Mga laro ngayon: (FilOil Flying V Arena)
12 p.m. Letran vs St. Benilde (jrs/srs)
4 p.m. JRU vs San Sebastian (srs/jrs)
Mapatatag ang kanilang kapit sa ikatlong posisyon na magpapalakas sa kanilang tsansa na makapasok sa Final Four ang kapwa tatangkain ng season host Jose Rizal University (JRU) at College of St. Benilde (CSB) sa pagpapatuloy ngayon ng ikalawang round ng NCAA Season 90 basketball tournament.
Archdiocese of Manila, hindi mag-eendorso ng kandidato sa eleksyon
Unang sasabak ang Blazers kontra sa Knights sa seniors game sa ganap na alas-2:00 ng hapon bago ang bakbakan ng Heavy Bombers laban sa San Sebastian College (SSC) sa ganap na alas-4:00 ng hapon.
Kapwa may barahang 9-5 (panalo-talo) ang JRU at St. Benilde sa likod ng nauna nang semifinalist na San Beda College (SBC), 13-2, at pumapangalawang Arellano University (AU), 11-4. Ang panalo ang magbibigay sa kanila ng dalawang larong kalamangan sa pumapang-apat na University of Perpetual Help na may hawak na 8-6 record.
Nasa solong ikalimang puwesto na taglay ang markang 6-8 (panalo-talo), nasa must win situation naman ang Knights na kailangang walisin ang nalalabing apat na laro sa eliminations, kabilang na ang laban nila sa Blazers upang panatilihing buhay ang tsansang makahabol sa huling slot sa Final Four round.
Ngunit kung mabibigo sila, ang Altas na lamang ang may nalalabing pag-asa na makahabol pa sa susunod na round.
Galing sa nakapanlulumong pagkabigo sa kamay ng San Beda sa kanilang nakaraang laro, pilit na babawi ang Knights, gayundin sa kanilang nalasap na 71-85 pagkatalo sa Blazers noong nakaraang Hulyo 21 sa unang round.
Wala na sa kontensiyon para sa Final Four, hahabol na lamang ang Stags upang putulin ang napakahaba nilang losing skid na umabot na sa 10 laban at muling ulitin ang kanilang naitalang 88-81 panalo kontra sa JRU noong Hulyo 2 sa first round ng eliminations.
