Mga laro ngayon (Fil-Oil Flying V Arena):
12:15 p.m. -- San Beda vs. St. Benilde (jrs/srs)
Payback time!
Ganito ang battelcry ng defendng champion San Beda College sa kanilang muling pakikipagtuos sa College of St. Benilde sa nag-iisang laro ngayong hapon sa seniors division sa pagpapatuloy ng second round ng NCAA Season 90 men’s basketball tournament sa FiL-Oil Flying V Arena sa San Juan City.
50.78% examinees, pasado sa Nov. 2024 Licensure Exam for Agriculturists
Kasalukuyang nasa liderato taglay ang barahang 9-2, panalo-talo, kasalo ang Arellano University, itataya din ng Red Lions ang kanilang pangingibabaw sa isa sa dalawang koponan na tumalo sa kanila noong first round.
Hangad ng Red Lions ni coach Boyet Fernandez na maipaghiganti ang unang kabiguan na nalasap ngayong taon sa muli nilang pagtutuos ng Blazers ngayong alas-2 ng hapon.
Sisikapin nilang makabawi sa nalasap na 76-83 na kabiguan sa kamay ng St. Benilde noong Hulyo 28 at dugtungan ang naitalang unang dalawang tagumpay ngayong second round ng elimination.
Ngunit malaking kuwestiyon kung magagawa ngang bumawi ng Red Lions lalo pa’t ang kanilang sasagupain ay isang koponang napakataas din ang morale matapos magtala ng tatlong sunod na tagumpay mula ng huling laro nila noong first round.
Inaasahang magtatagisan ng kanilang talento ang pro-bound players ng magkabilang team na sina Kyle Pascual at ang Semerad twins na sina David at Anthony para sa Red Lions at Paolo Taha at Mark Romero naman para sa Blazers.
Tiyak ding babawi sa larong ito si Ola Adeogun kasama ng iba pang key players ng team na sina Baser Amer at Arthur de la Cruz.
Sa panig naman ng Blazers, kabilang naman sa pagkukunang suporta nina Taha at Romero sina Jonathan Grey,Roberto Bartolo, Luis Sinco,Jeffrey Ongteco at Pons Saavedra.
