Hinamon ni Senator Nancy Binay si Sen. Antonio “Sonny” Trillanes IV na “magpakalalaki” at “magpakatotoo” sa tunay na motibo nito sa paghahain ng resolusyon para pagsasagawa ng imbestigayon ng Senado kaugnay sa umano’y overpricing ng car park building sa Makati City Hall.
“Sabi ko nga magpakalalaki at magpakatotoo si Sen. Trillanes kasi ‘yung ginawa n’yang resolution, hindi na in aid of legislation. It’s a demolition job against my father,” sabi ni Nancy Binay.
Payo ni Nancy kay Trillanes, mas mabuting magsampa na lang ito ng impeachment complaint laban kay Vice President Jejomar Binay sa halip na gawing “kangaroo court o criminal tribunal” ang Senado.
Noong Lunes, naghain si Trillanes ng resolusyon para ipatawag sina VP Binay at Makati City Mayor Jejomar Erwin “Jun Jun” Binay sa Senate inquiry.
FL Liza Araneta-Marcos, nanguna sa pagbubukas ng ilang atraksyon sa Intramuros
Iginiit ni Sen.Binay hindi na kailangang humarap pa sa Senado ang kanyang ama, dahil kayang-kaya na ni Mayor Jun-Jun ipaliwanag ang lahat ng isyu.
Paalala ni Senator Binay kay Trillanes, pangalawang pangulo ang kanyang ipinapatawag sa Senado at hindi ordinaryong opisyal ng gobyerno.
Paliwanag ng senadora kailangan din ng kanyang ama na protektahan ang dignidad ng kanyang tanggapan at ang tamang proseso ay sa impeachment court dahil may kortesiyang ibinibigay sa Pangulo at Pangalawang Pangulo ng bansa.
Hinala ng Senadora may tunay na motibo sa isyu ay pulitika dahil si Atty. Renato Bondal, na siyang naghain ng kasong plunder laban kay VP Binay, ay kapartido nina Trillanes at Senator Alan Peter Cayetano sa Nacionalista Party na parehong nag-anunsiyo sa kanilang interes na tumakbo sa pagkapangulo at pagkabise-presidente sa 2016 elections.
