Pinarangalan sa Balamban ang isang Cebuana National Aeronautics and Space Administration (NASA) Engineer na parte ng makasaysayang mission project na Artemis II.
Sa Facebook post ni Balamban Mayor Amos Edwin Cabahug noong Linggo, Abril 12, binanggit niya na bilang Senior Materials Engineer sa Orion Fracture Control Team, si Arianne “Nikki” Jubay Lazaro ay nakapagdala ng malaking pagkilala hindi lamang sa kaniyang pamilya, kung hindi maging sa buong munisipyo ng Balamban, na pinagmulan ng kaniyang mga magulang.
“Your remarkable contribution as a Senior Materials Engineer on the Orion Fracture Control Team brings immense pride not only to your family—your mother, Ethel Jubay Lazaro, a proud native of Aliwanay, Balamban, Cebu, and your father, Alberto Lazaro—but also to the entire Municipality of Balamban,” saad ng alkalde.
Binigyan rin ni Cabahug ng espesyal na pagkilala ang lolo’t lola ni Nikki, na gumabay at nagsilbing inspirasyon niya sa kaniyang paglalakbay sa kinaroroonan ngayon sa buhay.
“We also give special recognition to your beloved grandparents, Rogelio “Rolly”Jubay and Josephine “Bebe” Jubay, whose guidance and inspiration have greatly shaped your journey,” pagkilala ni Cabahug.
'Sana kami rin!' High school sweethearts na umabot sa kasalan, kinakiligan ng netizens
Saad pa ng alkalde, ang dedikasyon at kadalubhasaan ni Nikki ay nagpapakita ng kagalingan, katiyakan, at commitment sa paglalakbay ng sangkatauhan sa kalawakan.
“Your dedication and expertise, particularly in ensuring the safety and integrity of critical systems such as the Environmental Control and Life Support System and spacecraft structures, exemplify excellence, precision, and commitment to human space exploration. Your work helps safeguard lives and advances the boundaries of science and technology,” saad ni Cabahug.
“You serve as an inspiration to the youth of Balamban and beyond, proving that with passion, perseverance, and hard work, even the stars are within reach,” dagdag pa niya.
Kaya hiling ni Cabahug at ng buong munisipyo ng Balamban ang patuloy na tagumpay ni Nikki sa mga susunod pa niyang paglalakbay.
“On behalf of the Local Government Unit of Balamban, we are immensely proud of you. May you continue to shine and achieve greater milestones in your journey. Congratulations!” kahilingan ng alkalde.
Matatandaang si Louie Rabara ang isa pang Pinoy na parte ng Artemis II, bilang Data Controller, na isa sa mga inasahang mag-track sa astronauts na lumabas sa kalawakan upang umikot sa buwan.
MAKI-BALITA: KILALANIN: Si Louie Rabara, Pinoy na parte ng proyektong Artemis II ng NASA
