Kinumpirma ni Ombudsman Jesus Crispin Remulla na inihahanda na nila ang plunder case laban kina dating House Speaker at Leyte 1st district Rep. Martin Romualdez at dating Senate President Sen. Chiz Escudero.
Sa pahayag na inilabas ni Remulla nitong Lunes, Abril 6, 2026, tahasan niyang iginiit na ang plunder case na isasampa kina Romualdez at Escudero ay kaugnay ng kontrobersyal na maanomalyang flood control projects.
“We have been zealously preparing a case of plunder case against former Speaker Martin Romualdez and former SP Chiz Escudero. There's conspiracy involves," ani Remula.
Dagdag pa niya, "This [case] is flood control related in so many ways."
Ayon pa kay Remulla, inaasahang maisasampa ang nasabing kaso laban sa dalawang opisyal sa darating na buwan ng Mayo.
SP Cayetano, sinulatan mga senador; impeachment court magko-convene sa Mayo 18
Matatandaang una nang isinabit ang pangalan ni Romualdez kabilang si dating Ako Bicol Partylist Rep. Elizaldy Co sa mga budget insertions para makasamsam ng kickback sa implentasyon noong ng flood control projects.
Kaugnay nito, nadawit din si Escudero at iba pang senador sa mga nabigyan din umano ng kickback mula sa natuang proyekto.
“I delivered 20% of approximately ₱800 million or about ₱160 million (to) Meynard Ngu which was meant for Senator Escudero,” ani dating Department of Public Works and Highways (DPWH) Undersecretary Roberto Bernardo.
KAUGNAY NA BALITA: Escudero, Binay, Revilla, ikinantang humingi ng kickback sa budget ng flood control projects
Sa mga kasalukyan at dating senador, tanging si dating Senador Bong Revilla pa lamang ang naaresto bunsod ng kaugnayan umano sa flood control projects.
