Nagbigay ng paglilinaw ang aktor na si Elmo Magalona tungkol sa naging relasyon nila dati ni “Asia’s Limitless Star” Julia Anne San Jose.
Sa latest episode ng “Fast Talk with Boy Abunda” noong Biyernes, Marso 27, sinabi ni Elmo na magkaibigan lang umano sila noon ni Julie at hindi nagkaroon ng romantikong relasyon.
Aniya, “We were very good friends [who] really wanted to help each other bring our careers up during that time.”
“Ta's parang gano'n 'yong nakikita nila, e, during the time na we were having love team performances together. But yeah, we were really good friends,” dugtong pa ni Elmo.
Bukod dito, itinanggi rin niyang niligawan niya si Julie bagama’t inamin naman niyang hinangaan niya ito.
Endgame unlocked! Cristine Reyes, Gio Tingson engaged na
“She's a very talented woman. I think we were just really too young to really give what the supporters wanted,” saad ni Elmo.
Dagdag pa niya, “We were really doing it because we both enjoyed performing, pero it just got to a point where people are looking for something more.”
Sa kasalukuyan, matagal na umanong walang contact ang dalawa sa isa’t isa. Pero nagbatian naman daw sila nang minsang nagkita sa isang event.
