Kampo ni VP Sara, idiniing Senado lang dapat magsagawa ng impeachment trial!-Balita

Kampo ni VP Sara, idiniing Senado lang dapat magsagawa ng impeachment trial!

By Mc Vincent Mirabuna

March 25, 2026

Idiniin sa publiko ng isa sa mga tumatayong abogado ni Vice President Sara Duterte na si Atty. Sheila Sison na ang Senado lang daw ang may kapangyarihan at hurisdiksyon na magsagawa ng anomang porma ng impeachment trial.

Ayon sa isinagawang press conference ni Sison kasama ang spokesperson ng legal team ni VP Sara na si Atty. Michael Poa nitong Miyerkules, Marso 25, sinabi niyang nirerespeto naman daw nila ang kapangyarihan ng Kamara na magsagawa ng impeachment proceedings.

Ngunit giit niya, tanging ang hindi lang daw nila kinikilala ay ang pagkakaroon ng Kamara ng kapangyarihan o hurisdiksyon na magsagawa ng impeachment trial.

“What we are not recognizing is the authority on power to conduct a mini-trial. Now with respect to the power of the House of the Representatives to initiate impeachment proceedings that stated in the Constitution, we recognize that,” pagsisimula niya.

Dagdag pa niya, “What we do not recognize is the authority on power to conduct any form of trial.”

Ani Sison, handa raw makipag-participate at dumalo ni VP Sara sa isang impeachment trial kung tamang hurisdiksyon ang maglilitis sa kaniya.

“Now if you’re asking me, is she [VP Sara] waiving her right to present evidence, definitely on participation in proceedings, she will participate before the proper forum, before the body that has the jurisdiction to trial the case against her,” paglilinaw ng abogado.

Diin ni Sison, nasasaad daw sa Article XI, Section 3, paragraph 6 ng 1987 Philippine Constitution na tanging ang Senado lang daw ang may wastong kapangyarihan na magsagawa ng impeachment trial.

“The Constitution says, Section 3, paragraph 6, Article XI that it is the Senate that should have the sole power to try and decide all cases of impeachment,” pagtatapos pa niya.

Samantala, habang sinusulat ito, wala pa namang inilalabas na pahayag, tugon, o reaksyon ang Kamara o ang House Committee on Justice kaugnay rito.

KAUGNAY NA BALITA: Atty. Michael Poa, handang tanggapin subpoena ng Kamara!

KAUGNAY NA BALITA: VP Sara, mas pipiliin tumulong sa mga Pilipino kesa dumalo sa impeachment hearing!

'Ang layo!' SP Allan, sinagot kung handa rin niyang protektahan si Sen. Jinggoy tulad kay Sen. Bato

Pahapyaw lang ang naging tugon ni Senate President Alan Peter Cayetano hinggil sa posibilidad na maaresto sa Senado si Sen. Jinggoy Estrada dahil sa nakaambang plunder case. Sa ambush interview ng media kay Cayetano nitong Lunes, Mayo 18, 2026, natanong siya kung nakahanda rin niyang protektahan si Estrada, katulad nang naging pagprotekta niya noon kay Sen. Ronald “Bato” dela Rosa laban sa...

Sen. Zubiri kung bakit pinili ang minority bloc: 'Natauhan ako!'

Ipinaliwanag ni Sen. Juan Miguel Zubiri kung bakit pinili niyang ma-associate sa Senate minority bloc, sa naganap na plenary session nitong Lunes, Mayo 18, bago mag-convene ang Senado bilang impeachment court. Habang kinakapanayam ng media ang kasamahang si Sen. Win Gatchalian, biglang sumingit si Zubiri at ibinidang personal na kandidato raw niya sa pagka-SP si Gatchalian. 'May I just say,...

Sen. Jinggoy, kabilang sa mga nirekomendang kasuhan ng plunder ng DOJ!

Kinumpirma ng Ombudsman ang rekomendasyon ng Department of Justice (DOJ) na tuluyang sampahan ng plunder case si Sen. Jinggoy Estrada at iba pa, kaugnay ng kontrobersyal at maanomalyang proyekto ng flood control. Ayon kay Assistant Ombudsman Mico Clavano, kabilang ang pangalan ni Estrada sa mga 'primary respondents' na laman ng resolusyong ikinasa ng DOJ. 'The primary respondents...