DSWD, nagbabala kontra sa mga nag-aalok ng bata online-Balita

DSWD, nagbabala kontra sa mga nag-aalok ng bata online

By Vincent Gutierrez

March 23, 2026

In BALITA

Nagpaalala sa publiko ang Department of Social Welfare and Development (DSWD) kaugnay sa mga naglipanang child adoption processes online.

Sa isang video statement na ibinahagi ng DSWD sa kanilang social media page noong Linggo, Marso 22, idiniin ng ahensya na ilegal ang nasabing proseso ng pag-aampon.

“Let us be clear: Adoption is never a private agreement between individuals,” panimula ng DSWD.

Anila, “Hindi ito inaayos sa Facebook chat o kung saan mang messaging app. Kapag may nag-alok ng bata online, kahit pa sabihing tulong o pagmamalasakit, illegal adoption pa rin ‘yan; at sa ilalim ng batas, krimen ito at may parusang kulong.”

Ipinaliwanag din ng DSWD kung bakit nararapat na dumaan sa legal na proseso ang pag-aampon ng isang bata.

“Dahil ang adoption ay hindi tungkol sa kung ano ang gusto ng mag-aampon. Ito ay para sa proteksyon ng batang nangangailangan ng pamilyang magmamahal at kabibilangan niya,” anang DSWD.

“When adoption happens outside the legal process, children are exposed to serious risks—loss of identity, abuse, neglect, trafficking, and additional trauma,” dagdag pa nila.

Diin pa ng ahensya, kung nais na mag-ampon, dapat na makipag-ugnayan o dayalogo ang isang indibidwal, sa National Authority for Child Care sa pamamagitan ng regional alternative child care offices (RACCOs).

“Ang bata ay hindi bagay, hindi produkto, at lalong hindi transaksyon. Ang desisyon na mag-ampon ay isang pang-habangbuhay at makabuluhang desisyon,” pagdidiin ng ahensya.

“Hindi ito lukso lang ng damdamin o ng awa; kaya dapat dumaan sa legal na proseso ng adoption dahil ang bata ay buhay na dapat protektahan. Protect children, choose legal adoption,” pagtatapos ng DSWD.

Mababasa naman sa website ng DSWD ang ilan sa mga impormasyon kaugnay sa pag-aampon ng bata katulad ng tatlong uri ng child adoption, “components” ng pag-aampon, at ang epekto nito sa magiging buhay hindi lamang ng bata, kung hindi ng mag-aampon dito.

Misis ng nahuling NBI volunteer, nanindigang walang kasalanan ang asawa

Nanindigan ang misis ng National Bureau of Investigation (NBI) volunteer na walang kasalanan ang asawa niya sa naganap na barilan sa Senado noong Miyerkules ng gabi, Mayo 13. 'Wala pong kasalanan ang asawa ko, wala po 'yang baril. Sa mga taga-NBI, maawa po kayo tulungan n'yo po ang asawa ko. Huwag n'yo po siyang pabayaan. Kayo lang po ang pag-asa niya,' saad ng misis ng...

'God does not doubt me!' SP Cayetano, may talak sa bashers ng liderato niya

Nagbigay ng mensahe si Senate President Alan Peter Cayetano matapos siyang mahalal bilang bagong Senate President kasunod ng mga batikos ukol sa kaniyang kakayahang pamunuan ang Senado. Sa isang pahayag nitong Huwebes, Mayo 14, 2026, sinabi ni Cayetano na matagal na siyang nakararanas ng pagdududa mula sa ibang tao ngunit nananatili raw ang kaniyang pananampalataya at determinasyon sa pagtupad sa...

SP Cayetano sa pag-alis ni Sen. Dela Rosa sa Senado: 'There's no warrant. He's free to go'

Ayon kay Senate President Alan Peter Cayetano na hindi matatawag na 'escape' ang pag-alis ni Senador Ronald 'Bato' dela Rosa sa Senado kaninang 2:30 ng madaling araw nitong Huwebes, Mayo 14. Kaugnay na Balita: 'The Senate was under attack!' SP Cayetano, tinaasan ng boses nagtanong sa pamamaril sa Senado Ito ay matapos basahin ni Cayetano sa kaniyang press conference...