Inamin ni Kapuso star Barbie Forteza na pinagsisihan umano niya ang pagganap niya sa Kapuso fantasy drama series na “Kara Mia.”
Sa special episode ng “Kanto Roundtable” kamakailan kasama ang mga batikang aktres na sina Cherry Pie Picache at Jodi Sta. Maria , napag-usapan ang tungkol sa proyektong ginawa nila na bagama’t hindi nila bet ay may malaki namang naituro sa kanila.
Para kay Jodi, ang proyektong ito raw ay ang “Tar-San” na ipinalabas noong 1999 sa direksyon ni Efren Jarlego kung saan ginampanan niya ang karakter ni “Anta.”
"Ang na-realize ko diyan is that when you accept a role, no matter kahit isipin mo na magmumukhang tanga ka do'n, you always give it your 100 percent,” saad ni Jodi.
“Kasi 'di ba sometimes,” pagpapatuloy niya, “mas nagmumukha kang ewan when you do things half-baked. But then, when you commit, when you give it your all, somehow magwo-work siya.”
Ivana, windang sa halik ni Joshua: 'Grabe kang sumipsip!’
Dagdag pa niya, “So, 'di ba kung magmumukha ka lang ding tanga, galingan mo na.”
Usisa tuloy ni Cherry kay Barbie, “Ikaw ba sa bata mong ‘yan, may ganyan ka?”
“Parang ‘Kara Mia’ ba?” sabi ni Barbie, dahilan para matawa ang mga audience sa live. “So, may eksena po kami nasa footbridge kami. Nag-aaway kami, e, iisa lang ang katawan. So ako ‘yong katawan, atras-abante akong gano’n.”
“So to answer your question sa bata kong ‘to, marami na po akong pinagsisihan. But again, it paid the bills,” dugtong pa niya.
Gayunman, grateful pa rin umano si Barbie sa nasabing proyekto. Sinabi rin niyang ibinigay niya raw ang isandaang porsiyento niya para dito.
Nakasentro ang kuwento ng “Kara Mia” sa kambal na magkapatid na naghahati sa iisang katawan dahil sa kanilang congenital defect.
