Mariing dinipensahan ni Palace Press Officer at Presidential Communications Office (PCO) Usec. Claire Castro si Pangulong Ferdinand “Bongbong” Marcos, Jr., na hindi raw nito pinagtaksilan si dating Pangulong Rodrigo Duterte at ang mga Pilipino.
Matatandaan kasing inilahad sa publiko ng lead defense council ni FPRRD na si Atty. Nicholas Kaufman na isang taon na raw ang nakalipas mamgmula nang pagtaksilan ng pamahalaan ang kaniyang kliyente.
“It is exactly one year since the former President was betrayed by the incumbent government and denied the ability to defend his legacy under the law of the Philippines,” pahayag ni Kaufman noong Marso 14, 2026.
Ayon naman sa isinagawang press briefing ng PCO sa Mandaue City, Cebu nitong Martes, Marso 17, 2026, iginiit ni Castro na isang taon na raw ang nakalipas magmula nang makakita ng hustisya ang mga biktima ng extrajudicial killing (EJK).
“Yes, it has been one year since the victims of EJK have seen the ray of justice. The justice that they deserved,” pagsisimula niya.
OSAA, mariing pinabulaanan mga balitang walang CCTV sa Senado!
Diin ni Castro, hindi raw si PBBM ang nagtaksil sa taumbayan kundi ang mga perpetrator at coperpetrator ng War on Drugs.
KAUGNAY NA BALITA: Dela Rosa, Go, atbp., co-perpetrators sa war on drugs ni FPRRD—ICC
“It is not the President who betrayed the Filipinos, but the perpetrators and co-perpetrators in the commission in the crimes against humanity who betrayed and continuously betrayed the Filipino people,” aniya.
Buwelta pa niya, mas nagagawa pa raw mamolitika ni Kaufman sa halip na depensahan ang kliyente niyang si FPRRD.
“Here, Kaufman, goes again, politicking instead of defending his own client. Pamumulitika. Is he preparing for the 2028 elections?” pagtatapos niya.
Samantala, habang sinusulat ito, wala pa naman inilalabas na tugon, reaksyon, o pahayag si Kaufman kaugnay sa naging sagot na ito sa kaniya ni Castro.
MAKI-BALITA: Usec. Castro kung sakaling bumisita si Kaufman sa ‘Pinas: 'I'll buy him balut, kwek-kwek, adidas'
