Posibleng mawalan ng puwesto ang mahigit 5,000 opisyal na may kaugnayan sa mga political dynasty kapag naisabatas ang panukalang Anti-Political Dynasty Law sa Kamara, ayon kay Zia Lanao del Sur 1st district Alonto Adiong nitong Miyerkules, Marso 11, 2026.
Sa isang pahayag, iginiit ni Adiong na malaki ang magiging epekto ng panukala sa kasalukuyang kalakaran sa pulitika sa bansa.
“The numbers speak for themselves—and they say the Anti-Political Dynasty Bill will change the landscape of Philippine politics and governance," ani Adiong.
Ang tinutukoy ng mambabatas ay ang House Bill No. 8389 o “An Act Prohibiting Political Dynasties in National and Local Elective Offices,” na layong magsilbing enabling law para sa probisyon laban sa political dynasty na nakapaloob sa 39 na taong gulang na 1987 Constitution of the Philippines.
Upang matiyak na nakabatay sa datos ang bersyon ng panukala ng komite, nakipagtulungan ang komite sa Socioeconomic Research Bureau (SERB) ng Congressional Policy and Budget Research Department (CPBRD) ng House of Representatives of the Philippines upang pag-aralan ang posibleng epekto ng panukala.
'Hindi pa pumapasok sa isip ko!' Usec. Castro, may hanash kung tatakbo siya sa 2028
Sinuri ng SERB ang opisyal na datos ng halalan mula sa Commission on Elections (Comelec), na sumasaklaw sa mga posisyon sa antas ng probinsya, distrito at munisipalidad.
Batay sa paunang resulta ng pag-aaral, lumalabas na 9,852 sa kabuuang 17,983 lokal na posisyon—o humigit-kumulang 54.8%—ang hawak ng mga posibleng kabilang sa tinatayang 4,239 pamilyang may political dynasty.
“The data clearly shows that the committee version—with the second-degree consanguinity/affinity limitation—will have a significant impact on political dynasties. Projections indicate that over 5,000 elective positions could be vacated by individuals from political dynasties once the measure takes effect,” paliwanag ni Adiong.
Dagdag pa niya, inaasahang ilalabas sa mga susunod na araw ng CPBRD ang kumpletong pag-aaral hinggil sa nasabing panukala.
“The CPBRD is expected to release their full paper in the coming days, but the preliminary findings submitted to us already confirm the substantial reach and feasibility of this approach. We have emphasized this in our media briefings and public hearings: the second-degree limit is both implementable and meaningful," aniya.
Ayon kay Adiong, kaayon din ito ng datos na ibinahagi ng League of Municipalities of the Philippines (LMP), na nagsagawa ng survey sa 1,493 municipal mayors sa buong bansa.
Sa naturang survey, lumabas na nasa 917 mayor o 61% ang naglilingkod sa mga lugar kung saan may kasaysayan ng paghawak ng posisyon sa pamahalaan ang kanilang mga kaanak, habang 39% naman ang nagmula sa mga pamilyang walang political dynasty.
“Given the data we have, we can see that it is inaccurate to say that the committee version will not have an impact. The numbers say otherwise. The evidence proves that the second-degree provision strikes the right balance: it is stringent enough to open real opportunities for new leaders while remaining implementable," dagdag pa ni Adiong.
