Ex-AFP Chief Hermogenes Esperon, inihayag buong pagsuporta sa 18 ex-marines!-Balita

Ex-AFP Chief Hermogenes Esperon, inihayag buong pagsuporta sa 18 ex-marines!

Personal na pumunta at nagpaabot ng kaniyang buong suporta si dating Armed Forces of the Philippines (AFP) Chief of Staff at dating National Security Adviser na si Gen. Hermogenes Esperon, Jr., para sa 18 na nagpakilalang dating miyembro ng Philippine Marine sa pagsisiwalat nito tungkol sa umano’y male-maletang naglalaman ng bilyon-bilyong pera na natanggap daw ng ilang mga opisyal ng pamahalaan noon.

Tumayo si Esperon bilang Chief of Staff ng AFP sa administrasyon noon ni dating Pangulong Gloria Macapagal Arroyo at naging National Security Adviser naman sa ilalim ng pamumuno ni dating Pangulong Rodrigo Duterte noong nakaraang administrasyon.

Personal pang pumunta upang magpaabot ng kaniyang suporta para sa 18 ex-marines si Esperon sa isinagawang press briefing ng mga ito sa Pasig City nitong Huwebes, Marso 5, 2026.

Ani Esperon, buo umano ang kaniyang suporta sa 18 ex-marines at sa pangangailangang maimbestigahan ang tungkol sa mga isiniwalat ng mga ito sa kanilang affidavit.

“Yes. Full support ako sa kanilang pagsasabi at full support din ako sa kailangan na pag-imbestiga,” pagsisimula niya.

“Huwag nating hayaan na hanggang doon na lang ang complaint. Kailangang imbestigahan natin kasi napakaraming lead na ibinigay nila,” pagtatapos pa niya.

Kaugnay nito, matatandaang nagtungo naman dating senador Antonio “Sonny” Trillanes IV sa Department of Justice (DOJ) nitong umaga ng Huwebes upang magsampa ng mga kasong perjury at cyberlibel laban sa 18 ex-marines, kina Atty. Levito “Levi” Baligod, dating mambabatas na si Mike Defensor, dating broadcaster na si Jay Sonza, at iba pa.

Bukod sa mga nabanggit, isa rin sa mga sasampahan umano ng kaso ni Trillanes sina dating NTF-ELCAC spokesperson Lorraine Badoy at vlogger na si Cathy Binag.

Naging ugat nito ang pagsisiwalat sa publiko ni Baligod sa isinagawa nilang press conference noong Pebrero 24, 2026, na tumanggap umano si Trillanes ng halagang humigit-kumulang ₱112 milyon o $2 milyon kay dating Ako Bicol Partylist Rep. Zaldy Co para sa pag-aasikaso ng pangangailangan ng International Criminal Court (ICC) investigators.

KAUGNAY NA BALITA: Trillanes, kakasuhan 18 ex-marines, Baligod, Defensor, atbp!

KAUGNAY NA BALITA: Antonio Trillanes, tumanggap ng ₱112M kay Zaldy Co para sa ICC investigators!—Atty. Levi Baligod

KAUGNAY NA BALITA: 1 sa 18 ex-marines, nanindigang walang kinalaman sa kanila si Defensor

Mc Vincent Mirabuna/Balita

4-day workweek, pansamantalang ipatutupad sa ilang executive offices ng pamahalaan

Inanunsyo ni Pangulong Ferdinand “Bongbong” Marcos Jr. ang pansamantalang pagpapatupad ng pamahalaan ng four-day workweek para sa ilang mga piling opisina ng ehekutibo. Kasunod ito ng mga panawagang bawasan ang araw ng pagtatrabaho sa isang linggo upang makatipid sa paggamit ng enerhiya, bunsod ng lumalalang sigalot sa mga bansang nasa Gitnang Silangan. Sa isang pahayag na ibinahagi ni PBBM...

Pahinanteng natutulog, patay matapos magulungan ng truck!

Nasawi ang isang pahinante matapos siyang magulungan ng kanilang truck habang natutulog sa ilalim nito, sa Dumaguete City. Ayon sa mga ulat, hindi umano nagising ang lalaki kahit nang paandarin na ng driver ang kanilang truck bunsod umano ng pagod sa mahaba nilang biyahe. Depensa nmaman driver, hindi raw niya alam na may tao pa sa ilalim ng truck nang subukan niya itong paandarin upang i-park daw...

Rep. Sarah Elago, 'di raw palalampasin pambabastos ni Atty. Topacio!

Naglabas ng pahayag at kaniyang reaksyon si Gabriela Women’s Party Rep. Sarah Elago kaugnay sa nasabing naging pagnanasa ni Atty. Ferdinand “Ferdie” Topacio sa kaniya noon sa isang hearing. Matatandaang inamin at ibinahagi mismo sa publiko ni Topacio sa programa niyang “Yes… Yes… Yo! Topacio” ng DWIZ News noong Huwebes, Marso 5, 2026, ang minsan naging pagnanasa umano niya nang...