Tiniyak ng Embahada ng Pilipinas na magbibigay ito ng tulong sa naiwang pamilya ng nasawing Pinay caregiver sa kasagsagan ng missile attack sa Tel Aviv, Israel, kamakailan.
Sa pahayag ng embahada noong Linggo, Marso 1, ang 32-anyos na Pinay ay kinilalang si Mary Ann V. De Vera, na mula sa Basista, Pangasinan, at nagtatrabaho na sa Israel simula pa noong 2019.
Anila, natukoy ang pagkakakilanlan ni Mary Ann sa pamamagitan ng kaniyang biometric records sa Abu Kabir Forensic Institute, kung saan nagtatrabaho ang kaniyang asawa.
“The victim, Mary Ann V. de Vera, was a 32-year-old caregiver from Basista, Pangasinan, who had been working in Israel since 2019. Her identity was confirmed through biometric records at the Abu Kabir Forensic Institute, where her husband, who also works in Israel, positively identified her remains,” saad ng embahada.
Bilang pakikiramay, tiniyak ni Ambassador Aileen Mendiola sa naturang pahayag, na magpapaabot ng buong tulong ang pamahalaan ng Pilipinas sa nabiyudo ni Mary Ann.
DFA, inilatag ‘alert levels’ sa mga bansang apektado ng gulo sa Middle East
“Ambassador Aileen Mendiola called the husband to convey the Embassy’s condolences and assured him of the Philippine Government’s full assistance,” pagtitiyak ng embahada.
“The Embassy joins the entire Filipino community in the Holy Land in praying for the repose of her soul and for comfort and strength for her family during this time of grief,” dagdag pa nito.
Matatandaang nagpahatid rin pakikiramay si Pangulong Ferdinand “Bongbong” Marcos Jr., noon ding Marso 1, sa pamamagitan ng isang video message sa kaniyang social media platform.
Aniya pa, lahat ng tulong na kakailangan ng pamilyang naiwan ni Mary Ann ay ipahahatid ng pamahalaan sa kanila.
Samantala, tiniyak din ni PBBM na patuloy naka-monitor ang pamahalaan sa kalagayan ng mga Pinoy sa kasagsagan ng sigalot sa iba’t ibang parte ng Middle East.
MAKI-BALITA: 'Tinamaan ng shrapnel ng bomba!' Pinay caregiver sa Israel, namatay habang tinutulungan ang alaga
Sean Antonio/BALITA
