Ibinaba ng Department of Foreign Affairs (DFA) ngayong Lunes, Marso 2, ang “alert levels” sa mga bansang apektado ng nagpapatuloy na kaguluhan sa Middle East.
Saad ni Overseas Workers Welfare Administration (OWWA) Administrator Patricia Yvonne Caunan, ang DFA alert levels ay kasalukuyang nakataas sa mga sumusunod na bansa:
Lebanon - Alert Level 3
Bahrain - Alert Level 2
Kuwait - Alert Level 2
Philippine Embassy, tiniyak 'full assistance' sa pamilya ng nasawing Pinay caregiver sa Israel
Qatar - Alert Level 2
United Arab Emirates (UAE) - Alert Level 2
Israel - Alert Level 2
Jordan - Alert Level 1
Oman - No Alert Level
Saudi Arabia - No Alert Level
Ipinaliwanag ni Department of Migrant Workers (DMW) Sec. Hans Leo Cacdac na habang wala pang nakataas na “Alert Level 4” o mandatory repatriation sa anumang bansa, ang “Alert Level 2” ay hudyat na ng deployment ban para sa newly hired workers sa bansang ito.
Samantala, tiniyak ni Cacdac na prayoridad nila ang “in-country assistance” para sa mga apektadong Overseas Filipino Workers (OFWs) habang nakasara pa ang airspace ng maraming bansa sa Middle East.
Mula sa mga pangunahing pangangailangan tulad ng pagkain at tubig, may nakalaan din daw na transport services para sa pag-relocate sa OFWs na nasa alanganing lugar patungo sa shelters na inilaan ng pamahalaan.
Hinggil naman sa posibilidad ng “mass repatriation,” tiniyak ni Cacdac na handa ang mga ahensya upang tumulong sa OFWs na lilikas pabalik sa Pilipinas.
“At this stage, we are ready. We are sending augmentation teams already to these areas where there would be a possible transit activity, with a possibility na pumasok din mismo sa country involved,” pagtitiyak ng kalihim.
“So, we are ready for such eventuality and with the proper resources of the private and public sectors, in terms of transport by sea, by air, or by land,” dagdag pa nito.
Sean Antonio/BALITA
