Nagbigay ng reaksiyon si Napolcom Commissioner Ralph Calinisan sa inilabas na video statement ng vlogger na si Norman Mangusin o “Francis Leo Marcos” matapos nitong makalaya.
Maki-Balita: Francis Leo Marcos, pansamantalang nakalaya!
Base sa video ni Mangusin na ibinahagi noong Sabado, Pebrero 28, pinalalabas niya ang tila eksaheradong pagtrato sa kaniya samantalang ang kaso lang umano niya ay unjust vexation.
Ngunit ayon kay Calinisan, nagkakamali umano si Mangusin kung iniisip nitong tungkol lang umano ito sa pinakahuling kasong isinampa laban dito.
“This is the fight of the common Filipino, the OFWs, na nawalan ng pera dahil sa panloloko. He weaponized his clout for the wrong purposes,” saad ni Calinisan sa kaniyang latest Facebook post nitong Linggo, Marso 1.
PAL, may pa-seat sale na ₱85; magsisimula sa Marso 2
Dagdag pa niya, “This is also the fight of government institutions that were publicly maligned by a clout chaser.”
Hindi rin umano nila kailangan ang paumanhin ni Mangusin.
“What we need is accountability. We need genuine remorse and full indemnification for all his victims. Identify them all and apologize to them directly in public,” anang Napolcom Commissioner.
Matatandaang nakulong na rin si Mangusin noong 2020 dahil sa paglabag umano sa passport law, Optometry Law, illegal recruitment at estafa, violence against women at Anti-Human trafficking.
