De Lima, bibigyan ng leksyon si Baligod at 18 ex-marines?-Balita

De Lima, bibigyan ng leksyon si Baligod at 18 ex-marines?

Ibinahagi sa publiko ni Mamamayang Liberal (ML) Partylist Rep. Leila de Lima ang plano at mga ipinayo umano sa kaniya kung bibigyan ba niya ng leksyon ang abogadong si Atty. Levito “Levi” Baligod at 18 na mga nagpakilalang dating miyembro ng Philippine Marines.

Ayon sa naging panayam ng DZMM Teleradyo kay De Lima nitong Biyernes, Pebrero 27, 2026, sinabi niyang may mga nagpayo na raw sa kaniya at may posibilidad daw na masampahan niya ng kaso si Bligod at 18 ex-marines kagaya ng plano ng dating senador na si Antonio “Sonny” Trillanes IV.

KAUGNAY NA BALITA: Trillanes, tinangging tumanggap ng $2M kay Zaldy Co para sa ICC investigators; nag-amba ng cyber libel case!

“May mga nag-aadvice po sa akin na kasuhan. Now ang problema ko lang diyan at ang iniisip ko lang diyan ‘yon na naman, pangsayang ng oras,” pagsisimula ni De Lima.

Dagdag niya, “Pero para lang mabigyan ng leksyon, dahil hindi sila titigil sa kakapanira, ay baka nga ituloy ko rin ‘yan katulad no’ng balak nila [ex-Senator] Sonny Trillanes.”

Ani De Lima, bukod sa kaniya at Trillanes, may iba pa rin daw na nabanggit sa affidavit ng 18 ex-marines ang nagpaplanong magsampa ng kaso laban sa mga ito at kay Baligod.

“And I think, ‘yong iba pa na mga napangalanan, I think some of them are planning to also file cases dahil sobrang kasinungalingan po ‘yong mga ganiyan,” aniya.

Mariin ding pinabulaanan ni De Lima ang umano’y pakikipagpulong niya kina National Security Adviser (NSA) Gen. Eduardo Año, dating Ako Bicol Partylist Rep. Zaldy Co, at dating House Speaker Martin Romualdez noon.

KAUGNAY NA BALITA: NSA Gen. Eduardo Año, mariing pinabulaanan akusasyon ng 18 ex-marines

“Lalo na ‘yong tungkol sa mga maleta and then ‘yong tungkol sa mga meeting na ‘yan na sinasabi nila na never happened. ‘Yong meeting with Gen. Año, Zaldy Co, Martin Romualdez,” giit niya.

Diin ni De Lima, “Kasi ‘yon ang sinasabi. Noong una, maleta. Tapos ‘yon nga, paper bag na lang daw. Pero imagine, ang sabi, ₱5 to ₱10 million daw ang laman doon sa paper bag. Gaano kaya kalaki ang paper bag na ‘yon, nagkakasya ang ganoong karaming pera.”

Pagpapatuloy niya, nagkakabuhol-buhol daw ang kuwento sa affidavit ng 18 ex-marines dahil marami raw itong butas at malinaw umanong hindi totoo.

“Nagkakabuhol-buhol ang kuwento nila. Ganiyan kasi kapag imbento. Maraming butas kang makikita dahil hindi nga totoo,” pagtatapos pa niya.

KAUGNAY NA BALITA: 'Error on my part!' Atty. Baligod, nilinaw na walang natanggap na maleta ng pera si Rep. De Lima

KAUGNAY NA BALITA: Mike Defensor, pinabulaanang may direktang kaugnayan sa 18 ex-marines

Mc Vincent Mirabuna/Balita

Lalaking nangmolestya noong 2020, nasilbihan lang ng warrant noong 2025 at naaresto nitong 2026

Naaresto na ng mga awtoridad ang 34 taong gulang na lalaking ilang taong nakapagtago dahil sa reklamo sa kaniyang pangmomolestya sa isang menor de edad noong 2020. Ayon sa mga ulat, ginawa ng suspek ng pangmomolestya sa loob mismo ng bahay ng biktima. Lumalabas na tinakot ng suspek ang menor de edad upang maisagawa ang kahalayan noong Enero 2020. Subalit, matapos ang insidente, lakas-loob umanong...

Francis Leo Marcos, sinabihang 'bakulaw' si Mommy Dionisia; Manny, magsasampa ng kaso?

Handa na umano ang kampo ng Pambansang Kamao na si Manny Pacquiao upang magsampa ng mga kaso laban sa vlogger na si Norman Mangusin, o mas kilala bilang “Francis Leo Marcos,” dahil sa umano’y paninirang-puri at tila panlalait sa kaniyang ina na si Mommy Dionisia Pacquiao. Ayon sa inilabas na ulat ng ABS-CBN News nitong Biyernes, Pebrero 27, 2026, sinabi ni Pacquiao na nakahanda na ang...

‘Speech workshops,’ ilulunsad ng UP sa darating na Hunyo

Ilulunsad ng University of the Philippines (UP) - Department of Speech Communication and Theatre Arts (DSCTA) ang kanilang public speaking workshops sa darating na Hunyo 2026. Ayon sa Facebook post ng DSCTA noong Miyerkules, Pebrero 25, ang “Our Speak UP Workshop Series” ay bukas para sa kabataan at mga propesyunal, upang mahasa ang kanilang speaking at communication skills. Ang workshop...