Pinabulaanan ni defense lead counsel Atty. Nicholas Kaufman ang inilatag ni International Criminal Court (ICC) Trial lawyer Edward Jeremy tungkol sa insidente ng Bulacan Big Time Operation na ikinasawi umano ng 32 indibidwal noon.
Ayon sa naging opening statement ni Kaufman sa unang sesyon ng ikaapat na pagdinig ng ICC sa confirmation of charges kaugnay kay dating Pangulong Rodrigo Duterte nitong Biyernes, Pebrero 27, 2026, binalikan niya ang umano’y naging paglalahad ni Jeremy tungkol sa Bulacan Big Time operation na kumitil umano sa 32 na bilang mga indibidwal noon.
“Mr. Jeremy refers to a press release in which the police proclaimed that 32 people were killed in Bulacan Big Time Operation and then went on to refer to this as a single, one single operation in which 32 victims were killed by the police in Bulacan,” pagsisimula niya.
Ngunit depensa ni Kaufman, hindi raw nasabi ni Jeremy na ipinaliwanag ng isang testigo ng Prosecution na hindi umano naimbestigahan nang mabuti ang kabuuang bilang ng mga nasawi sa nasabing insidente.
“But what Mr. Jeremy failed to tell you, your honor, is that one of the Prosecution own witnesses explained clearly that he investigated these deaths in an unofficial capacity,” diin niya.
Online messaging platform, hindi na iba-ban ng DICT at CICC!
Ani Kaufman, hindi raw 32 kundi 33 ang kabuuang bilang ng mga nasawing indibidwal noon na mula sa iba’t ibang mga munisipalidad at probinsya sa Central Luzon at dinala lamang umano ang mga ito sa Bulacan.
“Soon after killings and found that 33 people were actually killed in different municipalities and provinces in Central Luzon but their bodies were delivered to Bulacan,” aniya.
Pagpapatuloy ni Kaufman, pinunto raw iyon ni Jeremy bilang isang insidente lamang ng umano’y “mass murder” sa halip na tuloy-tuloy na operasyon ng mga awtoridad sa loob ng 24 oras sa mas malaking area sa Central Luzon.
“This was not as Mr. Jeremy suggested as single incident of mass murder but rather an improper aggregate of a series of law enforcement operations over the course of 24 hours executed in large geographical area and for which we have no evidence in the case record,” saad niya.
“There is no evidence on the perpetrators, victims, motives… attacks, methodology, and essence nothing to link them in alleged fantasy ‘common plan,’ Everything is just stitch together enough to give it of the near of organization,” pagtatapos pa niya.
KAUGNAY NA BALITA: Kaufman, napatanong; kung may nakaisip bang imbestigahan umano'y drug-related killings sa Marcos admin
KAUGNAY NA BALITA: Mga kontrobersyal na pahayag noon ni FPRRD 'di sapat para ikonekta sa EJK— Kaufman
Mc Vincent Mirabuna/Balita
