NSA Gen. Eduardo Año, mariing pinabulaanan akusasyon ng 18 ex-marines-Balita

NSA Gen. Eduardo Año, mariing pinabulaanan akusasyon ng 18 ex-marines

Itinanggi ni National Security Adviser (NSA) Gen. Eduardo Año ang umano’y pagtanggap niya “paper bag” na naglalaman ng pera mula sa isiniwalat na affidavit ng nagpakilalang mga 18 na dating miyembro ng Philippine Marines.

Ayon sa ipinadalang pahayag ni Año sa media nitong Huwebes, Pebrero 26, 2026, mariin niyang pinabulaanan ang nasabing pagtanggap niya ng pera mula sa isinawalat ng 18 ex-marines at sinabi niyang “malicious” o malisyoso daw ang akusasyon laban sa kaniya.

“I categorically reject and denounce the malicious, unsigned affidavit purportedly from eighteen ex-Marines accusing me of receiving a paper bag after a meeting at the Polo Club townhouse,” pagsisimula niya.

Photo courtesy: GMA News

Ayon pa kay Año, hindi raw siya kailanman nakipagpulong kina dating House Speaker Martin Romualdez, dating Ako Bicol Partylist Rep. Zaldy Co, at Mamamayang Liberal (ML) Partylist Rep. Leila de Lima sa Polo Club townhouse at iba pang mga lokasyon noon.

“To set the record straight, I have never attended any meeting with former Speaker Martin Romualdez, former Cong Zaldy Co and Cong Leila De Lima in the Polo Club townhouse or any other location in nor did I receive any paper bag or package from them,” aniya.

Pagpapatuloy ni Año, hindi raw niya hahayaang mabahiran ang kaniyang reputasyon ng mga hindi totoo at “fabricated” o gawa-gawa lamang na akusasyon.

“These claims are entirely false and fabricated; I will not tolerate attempts to smear my reputation,” saad niya.

Pagdidiin niya, “My legal team is prepared to take all necessary actions, and we will have our own investigation to determine whether this malicious stunt-given its timing amid the ICC hearings, the EDSA anniversary, and the planned ‘One Time Big Time’ mass action-is seemingly part of a broader effort to undermine or destabilize government institutions.”

Nanawagan naman sa publiko si Año na huwag daw agad magpadala sa hindi totoong mga impormasyon.

“I urge the public to be discerning and not be swayed by misinformation. Rest assured, the government will continue to address legitimate concerns through proper channels and uphold the rule of law at all times,” pagtatapos pa niya.

Samantala, habang sinusulat ito, wala pa namang inilalabas na pahayag, tugon, o reaksyon ang kampo ng 18 ex-marines kaugnay rito.

KAUGNAY NA BALITA: 'Error on my part!' Atty. Baligod, nilinaw na walang natanggap na maleta ng pera si Rep. De Lima

KAUGNAY NA BALITA: Pagkamatay ng apo ng isang kasama, nag-udyok sa 18 ex-marines para lumitaw—Baligod

Mc Vincent Mirabuna/Balita

VP Sara naiyak, inisip kung tumakbo na lang mayor kaysa VP noon

Hindi napigilang biglang maging emosyunal ni Vice President Sara Duterte sa gitna ng kaniyang talumpati sa publiko tungkol sa naisip niyang posibilidad kung tumakbo na lang daw sana siyang alkalde sa halip na Vice President noon. Ayon sa naging pahayag ni VP Sara sa isang conference na ginanap sa Davao City noong Miyerkules, Pebrero 25, 2026, biglang tumulo kaniyang luha sa gitna ng kaniyang...

DICT, kinokonsidera pag-ban sa isang online messaging platform

Inoobserbahan na ng Department of Information and Communications Technology (DICT) ang isang sikat na messaging platform sa bansa dahil sa mga umano’y laganap na paglabag nito sa mga regulasyon. Sa panayam ni DICT Sec. Henry Aguda sa media noong Miyerkules, Pebrero 26, ibinahagi niya na ilan sa mga isyung nakikita na laganap sa messaging platform na Telegram ay ang online gambling, scam,...

Bagong driver's license rules para sa senior citizens, pinasinungalingan ng LTO!

Nagbabala ang Land Transportation Office (LTO) kaugnay sa kumakalat na impormasyon hinggil sa umano’y bagong driver’s license rules para sa senior citizens. Ayon sa ibinahaging pahayag ng LTO noong Miyerkules, Pebrero 25, tahasan nilang sinabi na ito ay isang “fake news.” “Nais ipabatid ng Land Transportation Office (LTO) sa publiko na WALANG KATOTOHANAN ang kumakalat na impormasyon o...