Duterte supporter, nabuhayan ng loob sa depensa ni Atty. Kaufman kay FPRRD!-Balita

Duterte supporter, nabuhayan ng loob sa depensa ni Atty. Kaufman kay FPRRD!

Tila nakaramdam umano ng pagkabuhay ng kaniyang loob ang isang Duterte supporter dahil sa naging depensa at mga sinabi ng Lead defense counsel ni dating Pangulong Rodrigo Duterte na si Atty. Nicholas Kaufman sa International Criminal Court (ICC).

KAUGNAY NA BALITA: Atty. Kaufman, binira umano'y pangakong 'di tutulong sa ICC ni PBBM

Ayon sa naging panayam ng NewsWatch Plus PH sa vlogger na si Alvin Sarzate o mas kilala sa social media bilang “Alvin & Tourism” sa The Hague, Netherlands, noong Pebrero 23, 2026, sinabi niyang nasagot daw lahat ni Kaufman ang inilatag ng ICC Prosecutor sa simula ng confirmation of charges nila kaugnay sa mga kasong kinakaharap ng dating Pangulo.

“Ang nakita ko or napansin ko talaga is ‘yong depensa na they rebut all the… of the opposition or the prosecutor of this case,” pagsisimula niya.

Pagbabahagi ni Sarzate, tila raw nabuhayan siya ng loob sa mga sinabi ni Kaufman at naipakita umano nito sa buong mundo na isang “peddled allegations” lamang daw ang mga ibinabato laban kay FPRRD.

“Parang nabuhayan ako ng loob sa mga pinagsasabi ni Atty. Nicholas Kaufman kasi naipakita ng niya sa buong mundo na ang case before the International Criminal Court is nothing but rehash peddled allegations by detractors critics or adversaries of the former President,” saad niya.

Ani Sarzate, nagawa rin daw ipakita ni Kaufman sa mga hukom ng ICC at international community ang dapat tingnan ng mga ito sa kasong kinakaharap ng dating Pangulo.

“I think he was able to show to the international community, lalong lalo na sa mga judges na ano ‘yong position na dapat tingnan,” aniya.

Dagdag pa niya, parehas lang naman daw ang umano’y mga akusasyong binabato kay FPRRD noon pa mang nasa Pilipinas pa ito at nag-iba lang ang lugar kung saan siya nalilitis.

“Kasi noon pa man, sa Pilipinas pa, ito naman din ‘yong akusasyon kay FPRRD parang nilagay lang nila sa different setting,” pagtatapos pa niya.

Kaugnay nito, nakatakdang muling ipagpatuloy ng ICC ang nasabing pagdinig nila tungkol sa confirmation of charges ng mga kasong kinakaharap ni FPRRD mula Martes, Pebrero 24 hanggang Biyernes, Pebrero 27, 2026.

KAUGNAY NA BALITA: ICC prosecutor sa hearing laban kay FPRRD: 'Those in power are not above the law!'

KAUGNAY NA BALITA: War on drugs ni FPRRD, nagresulta ng pagkamatay ng libong sibilyan!—ICC Prosecution

Mc Vincent Mirabuna/Balita

'Sino ba ang totoong kapatid?' Magkaibang litratong hawak ng utol ng EJK victim, kinuwestyon

Viral ang Facebook post ng isang netizen na tila napapatanong kung sino ba talaga ang kapatid ni Sheerah Escudero na umano'y isa sa mga napatay at biktima ng extra-judicial killings (EJK) na idinidikit sa war on drugs sa administrasyon ni dating Pangulong Rodrigo Duterte, na muli namang nauungkat dahil sa pagsisimula ng confirmation of charges hearing kaugnay sa kasong crimes against humanity...

17-anyos na dalagitang lilipad patungong Saudi para mag-DH, naharang!

Napigilan ng mga operatiba ng Bureau of Immigration (BI) ang isang 17-anyos na babae sa Ninoy Aquino International Airport (NAIA), matapos tangkaing lumipad patungong Kingdom of Saudi Arabia (KSA) para magtrabaho bilang domestic helper. Ayon sa ulat ng BI, sinubukan ng babae na lumabas ng bansa sa isang “Air China flight bound for KSA via China” noong Sabado, Pebrero 21, sa NAIA Terminal 1....

Inabandonang sanggol, natagpuan sa gilid ng creek!

Natagpuan ang isang inabandonang sanggol sa gilid ng creek sa Ramon, Isabela noong Lunes, Pebrero 23. Base pahayag ng Ramon Police Station, isang concerned citizen ang nakakita sa sanggol na nasa loob ng palangganang nakapatong sa sementadong harang sa gilid ng Macaniao Creek sa Brgy. Ambatali, Ramon, Isabela. Saad ng nasabing concerned citizen, nakabalot pa ng isang itim na pillowcase ang...