Nai-refer na ang apat na impeachment complain laban kay Vice President Sara Duterte sa House Committee on Justice nitong Lunes, Pebrero 23, 2026.
Pinangunahan ni Deputy Speaker Ferjenel Biron ang plenary session nitong Lunes, kung saan kabilang na sa Order of Business ng Kamara ang mga impeachment complaint laan sa bise presidente.
Matatandaang ang unang impeachment complaint ay inihain ng Makabayan Bloc na pinangunahan nina France Castro, Arlene Brosas, Liza Maza, at iba pa na inendorso nina ACT Teachers party-list Rep. Antonio Tinio, Gabriela Women's partlist Rep. Sarah Elago, at Kabataan Partylist Rep. Renee Co noong Pebrero 2, 2026
Maki-Balita: 'Round 2!' Makabayan bloc, naghain ng impeachment complaint vs VP Sara
Ang ikalawang impeachment complaint naman ay inihain nina Tindig Pilipinas Kiko Aquino Dee, Sylvia Estrada Claudio, Teresita Quintos Deles, at iba pang lider sa iba’t ibang sektor noon ding Pebrero 2, 2026, laban kay Duterte.
De Lima kay Amanda Echanis: 'We've both gone through the same ordeal of unjust detention!'
Ito naman ay inendorso nina Akbayan Partylist Rep. Perci Cendaña at Mamamayang Liberal (ML) Partylist Rep. Leila de Lima.
Maki-Balita: 'Di na ito bago!' VP Sara, umalma sa bagong impeachment complaint sa kaniya
Pinangunahan naman ng grupo ng kaparian, mga madre at Integrated Bar of the Philippines (IBP) ang pagsasampa ng ikatlong impeachment complaint laban kay Duterte noong Pebrero 9, 2026.
Si Mamamayang Liberal (ML) Partylist Rep. Leila de Lima ang nag-endorso ng naturang reklamo na tinatayang may 98 pahina na isinumite sa House Secretary General.
Kaugnay na Balita: Ikatlong impeachment complaint vs VP Sara, natanggap na ng opisina ni HS Dy
At ang huli at ikaapat na impeachment complain ay inihain ni Atty. Nathaniel Cabrera, na inendorso nina Deputy Speaker at La Union 1st district Rep. Paolo Ortega V at Manila 6th district Rep. Bienvenido “Benny” Abante noong Pebrero 18, 2026—kaparehong araw na inihayag ng bise presidente ang balak niyang pagtakbo sa pagkapangulo sa halalan ng 2028.
Maki-Balita: Rep. Abante, Rep Ortega, inendorso ikaapat na impeachment complaint kay VP Sara
Samantala, wala pang pahayag si Duterte kaugnay sa pag-refer sa Committee on Justice ng mga impeachment complaint laban sa kaniya.
