Nagbigay ng reaksiyon ang dating presidential spokesperson ng namayapang si dating Pangulong Benigno “Noynoy” Aquino III o PNoy na si Edwin Lacierda matapos ihayag ni Vice President Sara Duterte ang kandidatura niya sa pampanguluhang halalan sa 2028.
Kaugnay na Balita: VP Sara, inanunsyong tatakbong Pangulo sa 2028!
Sa isang video clip mula sa episode ng “Politika All The Way” ng One News nitong Linggo, Pebrero 22, sinabi ni Lacierda na nakatadhana umano ang pagtakbo ni VP Sara bilang Pangulo tatlong taon mula ngayon.
Aniya, “I think VP Sara is destined to run. There's nobody in the Duterte camp who can do that. I think the other one most likely who can run if Sara doesn't run is Senator Bong Go.
'Basta inutos ni Digong, susunod ako!' Sen. Robin, raratsada sa pagka-VP sa 2028?
Bukod dito, natalakay rin ang tungkol sa kapalaran ng mga kandidatong nauunang magdeklara ng kanilang pagtakbo tulad nina dating Vice President Jejomar Binay at dating Sen. Grace Poe na bagama’t angat sa survey ay natatalo kalaunan.
"But there's a difference right now. We are all in eco chambers, e,” saad ni Lacierda.
Dagdag pa niya, “Because of social media, you just listen to what you want to hear. So they've built a very robust eco chamber where it seems like there's a cult-like following.”
Sa kasalukuyan, bagama’t wala pang inaanunsiyong running-mate si VP Sara, kinumpirma niyang nire-recruit na umano niya ang magiging Bise Presidente niya noong nakaraang taon pa.
Maki-Balita: VP Sara, nakaraang taon pa naka-recruit ng running mate sa 2028 elections!
