Rep. Edgar Erice, tiwalang malakas na pantapat si Mayor Leni vs VP Sara!-Balita

Rep. Edgar Erice, tiwalang malakas na pantapat si Mayor Leni vs VP Sara!

Tila tiwala umano si House Senior Deputy Minority Leader at Caloocan Rep. Edgar Erice na malakas na panlaban si dating Vice President at kasalukuyan nang Naga City Mayor Leni Robredo kay VP Sara Duterte para sa susunod na eleksyon.

KAUGNAY NA BALITA: VP Sara, inanunsyong tatakbong Pangulo sa 2028!

Ayon kay Erice, sa isang ambush interview sa kaniya ng media nitong Huwebes, Pebrero 19, 2026, sinabi niyang nakatakda na umanong mag-organisa ang oposisyon para makapagtalaga sila ng kanilang kandidato bago matapos ang 2026.

“Sinasabi ng mga kasama namin, mag-organize kami and hopefully before the end of the year, we can come up with our candidate,” pagsisimula niya.

Pagbabahagi naman ni Erice ayon umano sa kaniyang sariling pananaw, si Robredo lang daw ang maaaring ipanlaban kay VP Sara dahil wala itong isyung may kaugnayan sa korapsyon.

“Pero sa aking pananaw, isa lang ang puwedeng panlaban kay VP Sara, walang iba ‘yan kundi si dating VP Leni,” saad niya.

Pahabol pa niya, “Kasi walang isyu ng korapsyon kay VP Leni.”

Ani Erice, naniniwala rin daw siyang dapat na lumaban nang mag-isa ang oposisyon at huwag itong makipag-alyado sa administrasyon para sa susunod na eleksyon.

“Kaya lang ay magkakaroon ng dalawang school of thoughts niyan. Whether we will… with the administration or we will fight alone. Para sa akin, we should fight alone,” ‘ika niya.

“Sa experience ko, hindi ibig sabihin ng one plus one, equals two. Dito, [kapag] kami ‘yong one tapos kapag sumama kami sa administration, ang ibig sabihin noon [ay] negative one kaya magiging zero,” paliwanag at pagtatapos pa ng mambabatas.

Samantala, habang sinusulat ito, wala pa namang inilalabas na reaksyon, tugon, o reaksyon sina Robredo at VP Sara kaugnay rito.

KAUGNAY NA BALITA: 'Dapat si Leni!' Sen. Erwin Tulfo, 'di na bet tumakbo sa mas mataas na posisyon sa 2028

KAUGNAY NA BALITA: 'I will pray for her intentions!' Sen. Lacson, nag-good luck kay VP Sara

Mc Vincent Mirabuna/Balita

Mayor Vico Sotto, nagsampa ng reklamong 'election offense' vs Sarah Discaya

Nagsampa si Pasig City Mayor Vico Sotto ng mga reklamong may kaugnayan sa paglabag umano ng negosyante at kontratistang si Sarah Discaya sa election law noong panahon ng kanilang pangangampanya. Ayon sa naging pahayag sa media ni Sotto matapos nilang pumunta sa COMELEC nitong Huwebes, Pebrero 19, 2026, sinabi niyang malinaw naman daw mga naging paglabag ni Discaya noong nakaraang eleksyon sa...

Sanggol, inilibing nang buhay ng sariling ina!

Patay ang isang bagong silang na sanggol matapos matagpuang nakalibing sa isang bukid sa Bayambang, Pangasinan.Ayon sa pulisya, isang negosyante ang nagpunta sa kaniyang taniman ng mais nang mapansin ang mga bakas ng dugo sa lugar. Humingi siya ng tulong sa kaniyang mga tauhan upang hanapin ang pinagmulan nito ngunit walang natagpuan kaya agad niya itong iniulat sa mga opisyal ng barangay.Kasama...

Palasyo, nanindigang naaayon sa batas ang pag-aresto kay FPRRD

Idiniin ng Malacañang na nakabase sa umiiral na batas ang pag-aresto kay dating Pangulong Rodrigo Duterte, at ang pagpapadala rito sa International Criminal Court (ICC) sa The Hague, Netherlands.Sa press briefing na isinagawa ng Presidential Communications Office (PCO) nitong Huwebes, Pebrero 19, nanindigan si PCO Undersecretary at Palace Press Officer Atty. Claire Castro na ito ay naaayon sa...