'I will pray for her intentions!' Sen. Lacson, nag-good luck kay VP Sara-Balita

'I will pray for her intentions!' Sen. Lacson, nag-good luck kay VP Sara

Naglabas ng komento si Senate President Pro Tempore Panfilo “Ping” Lacson sa naging proklamasyon ni Vice President Sara Duterte na tatakbo siyang Pangulo ng Pilipinas sa susunod na eleksyon.

KAUGNAY NA BALITA: VP Sara, inanunsyong tatakbong Pangulo sa 2028!

Ayon sa naging pahayag ni Lacson mula sa inilabas na ulat ng GMA News nitong Huwebes, Pebrero 19, 2026, sinabi niyang karapatan naman daw ng bawat Pilipino ang tumakbo sa pampublikong posisyon kung “qualified” o pasok ang mga ito sa kuwalipikasyong alinsunod sa konstitusyon.

“It is the right of every Filipino who is qualified under the constitution to run for an elective public office,” pagsisimula niya.

Photo courtesy: GMA News (FB)

Ani Lacson, sigurado raw siyang may dahilan ang pangalawang pangulo at mga “adviser” nito kung bakit sila maagang nagdeklara sa pagtakbo.

“I am sure VP Sara Duterte and her advisers have their reasons for declaring early,” aniya.

Pagpapatuloy ni Lacson, “good luck” na lang daw ang mahihiling niya sa presidential bid ni VP Sara at ipagdarasal umano niya ang intensyon nito sa pagtakbo o maging ng kung sinomang magdedeklara pa ng kanilang plano para sa susunod na eleksyon.

“I can only wish her good luck in her bid and will pray for her intentions and whoever else will decide to run to lead our country in 2028-2034,’ saad niya.

Anang senador, matatapos daw ang kaniyang karera sa pagseserbisyo sa publiko sa darating na Hunyo 30, 2031 at wala raw siyang ibang hiling kundi ang ikabubuti ng bansa sa darating pang mga dekada.

“Being in the twilight of my public service career which ends on June 30, 2031, I can only hope for the best to happen to our country in the decades to come,” ‘ika niya.

“I believe corruption is the biggest stumbling block in achieving economic progress and development that our people rightly deserve,” pagtatapos pa niya.

Samantala, habang sinusulat ito, wala pa namang inilalabas na reaksyon, tugon, o pahayag si VP Sara kaugnay rito.

MAKI-BALITA: Partido Reporma, suportado Sara-Marcoleta sa 2028!

MAKI-BALITA: 'Bantayan seguridad!' Giit ni Roque, VP Sara, dapat mag-ingat dahil sa kaniyang Presidential bid

Mc Vincent Mirabuna/Balita

Mayor Vico Sotto, nagsampa ng reklamong 'election offense' vs Sarah Discaya

Nagsampa si Pasig City Mayor Vico Sotto ng mga reklamong may kaugnayan sa paglabag umano ng negosyante at kontratistang si Sarah Discaya sa election law noong panahon ng kanilang pangangampanya. Ayon sa naging pahayag sa media ni Sotto matapos nilang pumunta sa COMELEC nitong Huwebes, Pebrero 19, 2026, sinabi niyang malinaw naman daw mga naging paglabag ni Discaya noong nakaraang eleksyon sa...

Sanggol, inilibing nang buhay ng sariling ina!

Patay ang isang bagong silang na sanggol matapos matagpuang nakalibing sa isang bukid sa Bayambang, Pangasinan.Ayon sa pulisya, isang negosyante ang nagpunta sa kaniyang taniman ng mais nang mapansin ang mga bakas ng dugo sa lugar. Humingi siya ng tulong sa kaniyang mga tauhan upang hanapin ang pinagmulan nito ngunit walang natagpuan kaya agad niya itong iniulat sa mga opisyal ng barangay.Kasama...

Palasyo, nanindigang naaayon sa batas ang pag-aresto kay FPRRD

Idiniin ng Malacañang na nakabase sa umiiral na batas ang pag-aresto kay dating Pangulong Rodrigo Duterte, at ang pagpapadala rito sa International Criminal Court (ICC) sa The Hague, Netherlands.Sa press briefing na isinagawa ng Presidential Communications Office (PCO) nitong Huwebes, Pebrero 19, nanindigan si PCO Undersecretary at Palace Press Officer Atty. Claire Castro na ito ay naaayon sa...