Atty. Jimmy Bondoc, bet ding maging ka-tandem ni VP Sara si Sen. Robin-Balita

Atty. Jimmy Bondoc, bet ding maging ka-tandem ni VP Sara si Sen. Robin

Ibinahagi sa publiko ni singer-songwriter at dating senatorial aspirant Atty. Jimmy Bondoc na maaari rin umanong maging katambal ni Vice President Sara Duterte si Sen. Robin Padilla para sa susunod na eleksyon.

KAUGNAY NA BALITA: VP Sara, inanunsyong tatakbong Pangulo sa 2028!

Ayon sa naging panayam sa Sa Totoo Lang ng One PH kay Bondoc noong Miyerkules, Pebrero 18, 2026, sinang-ayunan niya ang tanong sa posibilidad na puwedeng maging ka-tandem ni Duterte si Padilla sa pagiging national figure nito.

“Yeah, I mean right now, loyalty is the most precious commodity and Robin has exhibited that,” pagsisimula niya.

Ani Bondoc, makikita raw talaga ‘yong sinseridad at “willingness” ni Padilla na ipaglaban kahit na ang mga komplikadong isyu kahit na madalas umanong baliktarin ang pahayag ng nasabing senador sa publiko.

“If you notice, there has been quite a reversal regarding the public opinion of Robin even in certain political stalwarts . Kasi right now, nakita na po natin na importante naman po talaga ang edukasyon,” aniya.

Dagdag pa niya, “Pero makikita natin talaga ‘yong power ng sinseridad at ‘yong talagang willingness to fight even for the uncomfortable issues.”

Anang abogado, hinarap daw ni Padilla ang mga usapin sa “gender issues,” diborsyo, at pagbabago sa konstitusyon kaya raw magandang halimbawa ito na nababagay siyang kandidato para kay Duterte.

“He has taken on very sensitive issues such as gender issues, divorce, and constitutional changes. So baka ‘yun ang pinakamaganda rin, again, among the very good candidates for VP,” saad niya.

“Because ang Vice President usually is an advocate and si Robin is a very strong advocate of even difficult issues,” pagtatapos pa ni Bondoc.

Samantala, habang sinusulat ito, wala pa namang inilalabas na direktang tugon, reaksyon, o pahayag si Padilla kaugnay rito.

KAUGNAY NA BALITA: Sen. Robin, bet ang tambalang Sara-Imee sa 2028

KAUGNAY NA BALITA: Sen. Robin, pumalit kay Sen. Bato sa Blue Ribbon Committee!

Mc Vincent Mirabuna/Balita

Simbahan sa Pampanga, humingi ng dispensa sa mga nasunugan ng balat noong Ash Wednesday

Humingi ng dispensa ang isang simbahan sa Pampanga matapos silang makatanggap ng mga reklamo mula sa ilang parokyanong nakaranas ng skin irritation sa noo matapos malagyan ng abo noong Ash Wednesday. “We sincerely apologize to the parishioners who experienced burning sensations or skin irritation after the imposition of ashes on Ash Wednesday,” saad ng Santa Rita de Cascia Parish, Archdiocese...

Aso, naispatang nakatali sa umaandar na e-tricycle!

Iniimbestigahan ng pulisya ang kumalat na viral video ng isang aso na nakatali sa umaandar na e-tricycle sa Villanueva, Misamis Oriental.Batay sa ulat, naganap ang insidente sa national highway sa Crossing Dayawan. Makikita sa video ang aso na pilit na tumatakbo upang hindi makaladkad habang nakatali sa leeg, na nagdulot ng galit at batikos mula sa mga netizen.Nagsagawa ng imbestigasyon ang...

Sen. Bam, itinangging tatakbo bilang Vice President sa 2028!

Mariing pinabulaanan sa publiko si Sen. Bam Aquino ang mga bali-balitang tatakbo umano siya bilang pangalawang pangulo sa paparating na Halalan 2028.Ayon sa naging maikling pahayag ni Aquino sa kaniyang Facebook page nitong Huwebes, Pebrero 19, 2026, direkta at mariin niyang sinabing hindi raw siya tatakbo para sa nasabing puwesto sa susunod na eleksyon.“I will not run for Vice President in...