Sen. Imee 'forever running mate' ni VP Sara: 'Basta sunud-sunuran ako do'n!'-Balita

Sen. Imee 'forever running mate' ni VP Sara: 'Basta sunud-sunuran ako do'n!'

Nagbigay ng reaksiyon si Sen. Imee Marcos hinggil sa naging pahayag ni Sen. Robin Padilla na puwede silang maging running mate ni Vice President Sara Duterte sa presidential bid nito sa 2028.

Matatandaang nitong Miyerkules, Pebrero 18, hayagan nang inanunsyo ni VP Sara ang pagtakbo niya sa pagkapangulo sa nabanggit na presidential race.

Kaugnay na Balita: VP Sara, inanunsyong tatakbong Pangulo sa 2028!

Ayon kay Padilla, isinusulong niya ang "Sara-Imee" tandem at oras na raw para maranasan ng mga Pilipino ang "girl power."

Kaugnay na Balita: Sen. Robin, bet ang tambalang Sara-Imee sa 2028

Sa ambush interview ng media, nasabi ni Marcos na talagang matagal na silang running mate ni Duterte.

"Ay, Diyos ko, si Robin talaga... well, kung sabagay, talaga namang forever running mate ko naman talaga 'yan; takbo, gapang, luhod, patayo, paupo, hindi ko naman siya kailanman iniwanan," sagot ng senadora.

Nang tanungin kung willing ba siyang maging vice presidential candidate na katandem ni VP Sara, "Hello, basta sunud-sunuran ako do'n."

Nang linawin pa ng mga miyembro ng media kung willing ba siya, "Hindi, siya nag-announce. Hayaan n'yo na siya, kayo talaga."

Sinabi naman ng senadora na maganda raw ang naging maagang deklarasyon ng Pangalawang Pangulo dahil nabibigyan ng pag-asa ang mga tao dahil napakahirap aniya ng panahon at ang gulo-gulo ng gobyerno.

Nang tanungin ulit kung may ambisyon siyang tumakbong VP, mariing "No" ang sinabi niya.

Hindi rin sinagot ni Marcos ang pahabol na tanong na kung papayag ba siyang mag-VP kung sakaling personal siyang piliin ni VP Sara.

"Pasaway si Robin!" ang tanging nasabi na lang ng senadora, na may kaugnayan sa naging pahayag nito sa tandem nila ng Bise Presidente.

Samantala, nagpahayag naman ng pagsuporta si Sen. Imee sa naging deklarasyon ni VP Sara, sa pamamagitan ng kaniyang opisyal na pahayag na naka-post sa kaniyang Facebook page.

“[T]aglay niya ang TAPANG at MALASAKIT ng kanyang ama habang bitbit ang karanasan sa pagtulong sa maralita, mga nangangailangan at pinagmalupitan,” aniya.

“Siya ang MAY SOLUSYON,” dagdag pa.

Kaugnay na Balita: 'Siya ang may solusyon!' Sen. Imee, suportado si VP Sara sa pagtakbong Pangulo

Binatilyong hiniwalayan umano ng jowa, nagpatiwakal!

Natagpuang patay ang isang 17-anyos na lalaki matapos umanong magbigti sa isang sanga ng puno sa Purok 3, Barangay Malhiao, Badian, Cebu.Batay sa ulat ng Badian Municipal Police Station, kinilala ang biktima sa alyas “Kyle,” isang Grade 11 student ng Badian National High School at residente ng nasabing lugar.Ayon sa imbestigasyon, nadiskubre ang walang buhay na katawan ng biktima ng isang...

Senior citizen, hinostage ng lalaking lasing!

Isang 71-anyos na senior citizen ang nailigtas ng pulisya matapos bihagin ng isang lalaki sa loob ng kaniyang bahay sa Barangay Malainen, Naic, Cavite.Ayon sa mga awtoridad, bandang 9:00 ng gabi nang sapilitang pumasok ang 32-anyos na suspek sa bahay ng biktima habang armado ng patalim at isinagawa ang hostage-taking. Ikinulong umano nito ang matanda sa loob ng bahay at hindi pinayagang...

Sen. Kiko sa presidential bid ni VP Sara: 'Naku malayo pa ang 2028!'

Nagbigay ng reaksiyon si Sen. Kiko Pangilinan sa naging anunsyo ni Vice President Sara Duterte na kakandidato siya sa pagkapangulo sa 2028, sa isinagawa niyang press conference nitong Miyerkules, Pebrero 18.Sa ambush interview ng GMA News, habang naglalakad, sinabi ni Pangilinan na malayo pa ang 2028 at sa ngayong 2026 pa siya nakatingin.'Naku malayo pa ang 2028,' anang...