'Kanino kayo?' Rowena Guanzon, pinapili publiko kina VP Sara at Sen. Risa-Balita

'Kanino kayo?' Rowena Guanzon, pinapili publiko kina VP Sara at Sen. Risa

Tila nagawang papiliin ni dating Commission on Elections (Comelec) Commissioner Atty. Rowena Guanzon ang publiko sa pagitan nina Vice President Sara Duterte at Sen. Risa Hontiveros sakali mang magharap ang mga nabanggit sa presidential bid sa Halalan 2028.

Matatandaan kasing pormal nang inanunsyo ni VP Sara nitong Miyerkules, Pebrero 18, 2026 ang opisyal na pagtakbo niya bilang Pangulo ng Pilipinas sa susunod na eleksyon.

“Mga kababayan, ibalik natin ang tapang at malasakit para sa Diyos, sa bayan, at para sa bawat pamilyang Pilipino. Ako si Sara Duterte, tatakbo bilang Pangulo ng Pilipinas,” anang pangalawang pangulo.

KAUGNAY NA BALITA: VP Sara, inanunsyong tatakbong Pangulo sa 2028!

Ayon naman sa inupload na video ni Guanzon sa kaniyang Facebook page nito ring Miyerkules, ibinalita niya sa publiko ang nasabing pagdedeklara ni VP Sara sa kaniyang pagtakbo.

“Mga kababayan, nag-declare na po for presidency si Vice President Sara,” aniya.

Ani Guanzon, nagdeklara na rin daw noon si Hontiveros na tatakbo rin ito kung papalaring piliin ng United Opposition.

“At nag-declare din si Risa Hontiveros na kung papalarin siya—siya ang unity na kakandidato rin for president,” pagbabahagi niya.

Dahil dito, hindi tuloy napigilang kuwestiyonin ni Guanzon kung sino raw ang iboboto ng publiko kapag nangyari ang labanang ito sa eleksyon.

“So far, VP Sara versus Risa Hontiveros. Kanino kayo?” pagtatapos niya.

Samantala, habang sinusulat ito, wala pa namang inilalabas na direktang pahayag, tugon, o reaksyon sina VP Sara at Hontiveros sa inilahad ni Guanzon sa publiko.

Kaugnay nito, matatandaan kasing sinabi na rin noon ni Hontiveros ang pananatiling bukas niya sa pagtakbo rin bilang Pangulo sakali mang piliin siya ng United Opposition.

“I remain open, I remain willing. At ‘yong kondisyon ko ay ‘yong tulad no’ng matagal ko na ring sinasabi kung piliin [ako] ng United Opposition,” saad ni Hontiveros noong Pebrero 9, 2026.

KAUGNAY NA BALITA: 'I remain willing! Sen. Risa, nananatiling bukas tumakbong Pangulo sa Halalan 2028!

KAUGNAY NA BALITA: Sen. Risa sa pagtakbo ni VP Sara bilang Pangulo: 'Tayo po ay may free will'

Mc Vincent Mirabuna/Balita

'Ba't kailangan pang sabihin?' Llamas, dismayado kay Sen. Bam sa posisyon sa EJK cases

Naghayag ng pagkadismaya ang political pundit at dating Presidential Adviser for Political Affairs na si Ronald Llamas kay Sen. Bam Aquino.Matatandaang naniniwala umano si Sen. Bam na dapat sa Pilipinas umano isagawa ang paglilitis sa mga kasong may kaugnayan sa extrajudicial killing (EJK).Sa isang Facebook post ni Llamas nitong Miyerkules, Pebrero 18, kinuwestiyon ni Llamas kung bakit kinailangan...

Akbayan, tinawag na 'palusot' pagtakbo bilang Pangulo ni VP Sara!

Mariing inalmahan at tinawag na “palusot” ng Akbayan Partylist ang pagdedeklara ni Vice President Sara Duterte sa kaniyang opisyal na pagtakbo bilang Pangulo ng Pilipinas sa susunod na halalan. KAUGNAY NA BALITA: VP Sara, inanunsyong tatakbong Pangulo sa 2028!Ayon sa inilabas na pahayag ng Akbayan sa kanilang Facebook page nitong Miyerkules, Pebrero 18, 2026, sinabi nilang wala raw nagulat sa...

Castro, sinabing 'di alam ni PBBM na magkakaroon siya ng VP na puro bakasyon, paninira

Nagbigay ng isang pahayag si Palace Press Officer at Presidential Communications Office (PCO) Undersecretary Atty. Claire Castro hinggil sa pag-anunsyo ni Vice President Sara Duterte ng kaniyang kandidatura para sa Halalan 2028.Ito ay kaugnay sa paghingi ng tawad ni VP Sara dahil sa kaniya umanong pagtulong upang manalo sa halalan si Pangulong Ferdinand “Bongbong” Marcos Jr.“Mga kababayan,...