'Mayor Magalong, nagsabi mismong may mali sa pagpapatupad ng EJK!'

'Mayor Magalong, nagsabi mismong may mali sa pagpapatupad ng EJK!'—Palasyo

Ibinahagi sa publiko ng Malacañang na sinabi mismo umano ni Baguio City Mayor Benjamin Magalong na may mali sa “execution” o pagpapatupad ng Extrajudicial Killing (EJK) noon.

Ayon sa isinagawang press briefing ni Palace Press Officer at Presidential Communications Office (PCO) Usec. Claire Castro nitong Lunes, Pebrero 16, 2026, sinabi niyang hindi naman daw kailangang magkagulo ng publiko kung masisilbihan man ng arrest warrant mula sa International Criminal Court (ICC) sina Sen. Ronald “Bato” Dela Rosa, Sen. Christopher Lawrence “Bong” Go, at iba pa.

“Kinakailangan po bang magkagulo kung sisilbihan po nito ay ang hustisya?” pagsisimula niya.

Aniya, “Ang pagsisilbi ng hustisya ay hindi naman po dapat na maging daan upang kampihan ang iilan o kakampihan ang ilang mga nasasangkot sa nasabing criminal complaint.”

Pagpapatuloy ni Castro, sinabi na rin daw noon mismo ng kaalyado ng mga Duterte na si Magalong na may mali sa pagpapatupad ng EJK noon at malinaw raw na maling mali ang naging patayan noon.

“Even before, ang kanila mismong kaalyado, walang iba kundi si Mayor Magalong ang nagsabi mismo na mayroong mali sa execution sa EJK,” diin niya.

Dagdag pa niya, “Si Mayor Magalong na nagsilbing Oversight Committee Head ang umamin na maraming naging patayan na hindi nararapat at ang ibang nasa listahan ay political rivalry diumano—at ito ay maling mali.”

Tindig pa ni Castro, dapat daw na maimbestigahan pa ang mga dapat managot sa nangyaring patayan noon dahil mismong kaalyado na nila, na si Magalong, ang nagsabing may mali umano rito.

“So, kung mismong isang Duterte supporter ang nagsasabing mali ang nagawang EJK, hindi po ba dapat na lamang na maimbestigahan po talaga kung sino ang dapat managot,” pagtatapos niya.

Samantala, habang sinusulat ito, wala pa namang nilalabas na pahayag, tugon, o reaksyon si Magalong at iba pang nabanggit kaugnay rito.

KAUGNAY NA BALITA: Dela Rosa, Go, atbp., co-perpetrators sa war on drugs ni FPRRD—ICC

KAUGNAY NA BALITA: Palasyo, 'di raw maaaring makialam sa proseso ng ICC, pagdawit kina Bato at Go

Mc Vincent Mirabuna/Balita

Ombudsman, extra ingat dahil sa mga kalabang abogadong 'nabibili ng pera'

Tila doble umano ang pag-iingat ng Office of the Ombudsman sa pag-iimbestiga sa mga kasong may kaugnayan sa maanomalyang flood control projects dahil sa magagaling na abogadong nabibili raw ng pera at kumakalaban sa kanila. Ayon sa naging pahayag sa isinagawang press conference ni Assistant Ombudsman Mico Clavano nitong Lunes, Pebrero 16, sinabi niyang sinisigurado raw nilang “air tight” o...

4Ps beneficiaries na kumukunsumo ng 50kWh, may pa 100% discount sa Meralco—PBBM

Mas makakamenos pa raw ang mga benepisyaryo ng Pantawid Pamilya Pilipino Program (4Ps), alinsunod sa naging anunsyo ni Pangulong Ferdinand 'Bongbong' Marcos, Jr., sa paniningil sa kanila sa kuryente.Sa pagdalo ni PBBM sa isang event ng electric company na Meralco noong Pebrero 14, 2026, pinuna niya ang mailap umanong electric subsidy para sa mga miyembro ng 4Ps.'Mahirap ka na nga,...

Malacañang, nanindigang walang hurisdiksyon ang ICC sa Pilipinas 'sa ngayon'

Binigyang-diin ng Palasyo ang kawalan ng hurisdiksyon sa ngayon ng International Criminal Court (ICC) sa Pilipinas.Kaugnay ito sa pagkakadawit nina Sen. Ronald “Bato” Dela Rosa, Sen. Bong Go, at iba pa, bilang “co-perpetrators” sa madugong “War on Drugs” ni dating Pangulong Rodrigo Duterte.Sa ginanap na press briefing ng Presidential Communications Office (PCO) nitong Lunes, Pebrero...