Manila LGU, naglabas ng ₱18M; mga retiradong guro, bibigyan ng allowance-Balita

Manila LGU, naglabas ng ₱18M; mga retiradong guro, bibigyan ng allowance

Masayang ibinalita ni Manila Manila City Mayor Isko Moreno Domagoso sa publiko ang paglalabas nila ng halagang ₱18 milyon bilang allowance para sa humigit-kumulang 3,000 na mga retiradong guro sa Manila.

Ayon sa naging pahayag ni Moreno sa isinagawa nilang flag raising ceremony nitong Lunes, Pebrero 16, sinabi niyang makakatanggap daw ang lahat ng mga retiradong guro na may edad 70 pataas ng allowance na nagkakahalagang ₱6,000 bawat isa kaugnay sa pension nilang ₱500 buwan-buwan mula noong Enero hanggang Disyembre 2025, alinsunod sa Ordinance No. 7977 at Old Age Sustenance Allowance (OASA) ng Manila Retired Teachers Association.

“Lahat ng teacher na umabot ng 70 pataas ay tatanggap ng pension sa lungsod ng Maynila,” pagsisimula niya.

Pagkukuwento ni Moreno, “Sa awa ng Diyos at sa ating mga kawani ng pamahalaan at mga department, sa pagbubuti nila, unti-unti ho tayo at patuloy tayong nililingon ang mga nakaraang obligasyon. Bagama’t kahit hindi ko pa ito panahon, but what matters most is that we will recognize previous obligations.”

Ani Moreno, kinausap umano niya noong Biyernes, Pebrero 13, 2026 ang kanilang City Treasurer na si Atty. Paul Vega na iparamdam ang pagdiriwang ng Araw ng mga Puso sa mga retiradong guro.

“Last Friday, sabi ko kay Paul noong nag-uusap kami, sabi ko, ‘Araw ng mga Puso, iparamdam natin ang pagmamahal at utang na loob sa ating mga guro. Katulad ko ay one of many product public education system,” pagbabahagi niya.

Bida ng alkalde, nakapagmandato na raw siya sa kanilang City Treasurer’s Office na maglabas na halagang ₱18 milyon para sa kanilang magigiting na guro at naging tax payers.

“Kaya January to December 2025 na mahuhulog. I already advised Atty. Paul Vega, our City Treasurer, to release ₱18 million for our more or less 3,000 retired teachers of Manila,” aniya.

Pagpapatuloy pa ni Moreno, mararamdaman daw ng mga retired teachers ang pagbabahagi ng nasabing allowance mula nitong Lunes, Pebrero 16 hanggang Pebrero 20, 2026.

“Good things come to those who wait… ‘Yan po ay mararamdaman ninyo ngayong Pebrero 16 hanggang 20,” saad ni Moreno.

MAKI-BALITA: Mayor Isko Moreno, paiimbestigahan 2 gwardiyang nambugbog sa Intramuros

Mc Vincent Mirabuna/Balita

Bangkay ng inabandonang sanggol, nadiskubre ng dalawang asong gala

Kinalkal mula sa basurahan at muntik nang kainin ng mga asong gala ang bangkay ng isang sanggol sa Libon, Albay.Ayon sa mga ulat, isang residente ang nakapansin kung bakit nagkakagulo ang dalawang aso malapit sa basurahan. Nang lapitan niya, tumambad sa kaniya ang bangkay ng naturang sanggol.Isang sa nasabing mga aso ang nagtangka pa raw na kainin ang sanggol ngunit nagawa itong itaboy ng isang...

Mongolian, tiklo matapos ang umano'y ‘pag-eespiya’

Arestado ang isang Mongolian national matapos ang umano’y “espionage-linked activies” nito sa Zambales, na maaaring makaapekto sa seguridad ng bansa.Sa ulat na ibinahagi ng Bureau of Immigration (BI) noong Linggo, Pebrero 15, nasakote nila ang dayuhang si Boldbaatar Bold-Erdene, 30 taong gulang, sa tulong ng Armed Forces of the Philippines (AFP), iba pang law enforcement at intelligence...

Mali ang impormasyong nakarating? Bosita sumagot sa paratang na paninigaw sa Davao

Nagbigay ng tugon si dating 1-Rider Party-list Rep. at Road Safety Advocates of the Philippines (RSAP) Chairman Ret. Col. Bonifacio Bosita sa pahayag ni Davao City 1st District Rep. Paolo “Pulong” Duterte.Ito ay matapos umano siyang akusahan ni Rep. Pulong na nanigaw umano sa mga empleyado ng Davao na tila halal na opisyal sa lugar.Ngunit sa latest Facebook post ng RSAP nitong Lunes, Pebrero...