Nagbigay ng mensahe ang actress-politician na si Aiko Melendez sa kaniyang “soulmate” na si Onemig Bondoc.
Sa isang Instagram post ni Aiko noong Sabado, Pebrero 14, sinabi niyang si Onemig umano ang pag-ibig na hindi niya alam na kailangan niya pala.
“You are not just the love I asked for, you are the love I didn’t even know I needed. With you, love feels calm, safe, and true,” saad ni Aiko.
Dagdag pa niya, “You understand me in silence, hold me in my weakest moments, and choose me every single day.”
John Estrada sa diborsyo nila ni Priscilla Meirelles: 'Bakit mo ginawa 'yan?'
Kaya naman pinasalamatan ni Aiko si Onemig sa pagmamahal nito sa kaniya, sa pagsama nito kapag hindi nagiging madali ang mga bagay-bagay, at sa pagpapaalala na ang pag-ibig ay hindi minamadali dahil ito ay nananatili.
“In a world full of noise, you are my peace. In every lifetime, I would still find my way to you. I choose you today, tomorrow, and always,” pahabol pa niya.
Matatandaang kinumpirma ni Onemig noong Enero na nililigawan na niya si Aiko bagama’t hindi pa raw siya sinasagot.
Ito ay matapos maungkat ang naunsyaming panliligaw sana ni Onemig kay Aiko nang magsilbi siyang guest sa isang episode ng vlog nito noong Disyembre 2025.
Maki-Balita: Onemig Bondoc kinumpirmang nililigawan si Aiko Melendez, pero hindi pa sinasagot
