'One-sided, unfair!' Sen. Go, umalma sa alegasyong 'co-perpetrator' ni FPRRD-Balita

'One-sided, unfair!' Sen. Go, umalma sa alegasyong 'co-perpetrator' ni FPRRD

Mariing umalma si Sen. Christopher Lawrence “Bong” Go sa umano’y alegasyon ng International Criminal Court (ICC) sa kaniya na “co-perpetrator” siya ni dating Pangulong Rodrigo Duterte sa war on drugs.

Ayon sa naging pahayag ni Go na inilabas ng GMA News nitong Sabado, Pebrero 14, 2026, sinabi niyang “unfounded,” “one-sided,” at “unfair” ang nasabing alegasyon laban sa kaniya ng ICC.

KAUGNAY NA BALITA: Dela Rosa, Go, atbp., co-perpetrators sa war on drugs ni FPRRD—ICC

“I dispute these allegations which are entirely unfounded, one-sided, unfair and bear no relation to the reality of my roles and responsibilities during my service as Special Assistant to the President from June 2016 to October 2018 as well as Executive Assistant to the Mayor of Davao City from 1998 to 2016,” saad niya.

Paglilinaw ni Go, wala raw siyang kinalaman o naging awtoridad sa nasabing alegasyon laban sa kaniya.

“Let me be clear, at no time did I have any involvement in, knowledge of, or authority over these allegations. It is also inaccurate to claim that I was Chief of the Presidential Management Staff then since at no point in time did that responsibility fall under mine,” giit niya.

Ani Go, alam daw ng taumbayan na ginawala lamang niya ang kaniyang trabaho alinsunod sa batas ng tao at batas ng Diyos upang tumulong sa kapuwa.

“Alam ng aking mga kababayan na ginawa ko lang ang aking trabaho na naaayon sa batas ng tao at batas ng Diyos upang matulungan ang aking mga kapwa Pilipino, lalo na ang mga mahihirap at walang ibang malalapitan kundi ang gobyerno,” pagdidiin niya.

Dagdag pa niya, “Throughout my career, I have upheld the highest standards of integrity, transparency, and dedication to the welfare of our people.”

Pagpapatuloy ni Go, hindi raw niya hahayaang maabala siya ng umano’y walang basehang alegasyon para gampanan siya ang kaniyang tungkulin bilang Senador sa Pilipinas.

“I will not allow these baseless accusations to distract me from my responsibilities as a duly elected Senator of the Republic. My focus remains steadfastly on serving the Filipino people - particularly the poor and vulnerable,” ‘ika niya.

“Patuloy kong gagawin ang aking trabaho at magseserbisyo ako nang tapat at may malasakit dahil naniniwala ako na ang serbisyo sa tao ay serbisyo sa Diyos,” pagtatapos pa niya.

KAUGNAY NA BALITA: FPRRD, 'criminally responsible' sa 78 biktima ng war on drugs mula 2013-2018!—ICC

KAUGNAY NA BALITA: 'Panahon na ng pananagot!' De Lima, nag-react sa pagbanggit ng ICC kina Dela Rosa, Go, atbp

Mc Vincent Mirabuna/Balita

Veterinary student na binansagang 'Cobra King,' patay sa tuklaw ng ahas!

Labis na nagdadalamhati ang animal rescue community sa pagpanaw ng 4th year veterinary student at snake rescuer na si Kyle Ian Tablon.Si Tablon ay nag-aaral sa College of Veterinary Medicine ng Central Mindanao University (CMU) at iniulat na nasawi noong Pebrero 9.Sa inilabas na pahayag, kinilala ng Wildlife Initiative Leadership & Development ang kaniyang malasakit at dedikasyon sa paglilingkod...

VP Sara, bilib kay FPRRD: 'Nakakulong na, pinag-aagawan pa rin ng mga GF sa labas!'

Ibinahagi ni Vice President Sara Duterte ang naging pag-uusap nila ng amang si dating Pangulong Rodrigo Duterte patungkol sa 'mga girlfriend' nito, nang magsalita ang una sa isang event sa Nasugbu, Batangas nitong Sabado, Pebrero 14, kasabay sa pagdiriwang ng Valentine's Day.Natatawang sabi ni VP Sara, sinabi raw niya kay FPRRD na bilib siya sa ama dahil kahit nakakulong pa rin sa...

US-grade HIV treatment, malapit nang dumating sa Pilipinas – DOH

Inanunsyo ng Department of Health (DOH) nitong Sabado, Pebrero 14, na malapit nang dumating sa bansa ang U.S.-grade Human Immunodeficiency Virus (HIV) treatment na “Lenacapavir.” Sa pahayag ni DOH Sec. Ted Herbosa sa “PinaSIGLA” segment ng DZMM, ipinaliwanag niya na ang Lenacapavir treatment ay maipapadala ng US State Department sa ilalim ng inisyatiba nilang President's Emergency...