Usec. Castro kay VP Sara: 'Mas nakakahiyang naging anak ng most corrupt!'-Balita

Usec. Castro kay VP Sara: 'Mas nakakahiyang naging anak ng most corrupt!'

Bumuwelta si Palace Press Officer at Presidential Communications Office (PCO) Usec. Claire Castro kay Vice President Sara Duterte na mas nakakahiya raw na naging anak ng tinawag na “most corrupt” noon.

Matatandaang idiniin sa publiko ni Duterte sa panayam sa kaniya ng News5 noong Huwebes, Pebrero 12, 2026, na paulit-ulit na raw niyang sinasabi ang pagdadala umano ni Castro ng kahihiyan bilang spokesperson ng Office of the President (OP).

“Sinasabi ko na nga na paulit-ulit na ano, na si Claire Castro, nagdadala ‘yan ng kahihiyan sa ating bayan dahil tinawag siya na Spokesperson ng Office of the President,” saad ni Duterte.

KAUGNAY NA BALITA: 'Usec. Claire Castro, nagdadala ng kahihiyan sa bansa!'—VP Sara

Ayon naman sa naging tugon ni Castro dito, sa naging panayam sa kaniya ng DZMM Teleradyo nitong Biyernes, Pebrero 13, 2026, sinabi niyang hindi raw nakakahiya ang pagsasabi ng totoo.

“Ang pagsasabi ng katotohanan, hindi po ‘yan nakakahiya,” pagsisimula niya.

Dagdag pa niya, “Ang nakakahiya, ‘yong madalas nilang ginagawa, ‘yong gumagawa lamang at nagtatahi-tahi ng kuwento.”

Patutsada pa ni Castro kay Duterte, mas nakakahiya raw na naging anak ng itinuring na “most corrupt” ng Organized Crime and Corruption Reporting Project (OCCRP) na si dating Pangulong Rodrigo Duterte noong 2017.

“Hindi ba mas nakakahiya ‘yong naging anak ka ng most corrupt no’ng 2017? Sino ba ang sinabi ng OCCRP na most corrupt noong 2017? Ang dating Pangulong Duterte,” diin niya.

“‘Di ba mas nakakahiya ata ang tawaging anak ng isang korap,” pahabol pa niya.

Ani Castro, tila pang-utak buwitre umano ang ganoong mga klase pasaring ng bise presidente sa kaniya upang manguna raw sa Pangulo.

“‘Yong mga ganitong klaseng pasaring ng Bise Presidente, ano ito e, utak buwitre. Parang naghihintay ng maaring saying pangit o negatibo sa Pangulo para manguna,” pagtatapos pa niya.

Samantala, habang sinusulat ito, wala pa namang inilalabas ulit na tugon, reaksyon, o pahayag ang bise presidente kaugnay rito.

MAKI-BALITA: VP Sara, kamukha ng manikang si ‘Chucky’ 'pag galit!—Atty. Claire Castro

MAKI-BALITA: Ikatlong impeachment complaint vs VP Sara, natanggap na ng opisina ni HS Dy

Mc Vincent Mirabuna/Balita

Sunog na bangkay, natagpuan ng mga alagang asong ipinapasyal lang ng kanilang amo

Isang sunog na bangkay na nang matagpuan ang 19 taong gulang na dalagang ilang araw ng nawawala sa Nueva Vizcaya.Ayon sa mga ulat, mga alagang aso ng isang mag-asawang naglalakad-lakad ang nakaamoy at nakadiskubre sa bangkay ng biktima.Bigla na lamang daw lumihis ang kanilang mga alaga sa isang liblib at bakanteng lote. Nang sundan nila ang kanilang mga alaga, doon na tumambad ang bangkay ng...

Lalaking umakyat sa puno ng niyog, sinalubong ng tuklaw ng ahas!

Sugatan ang isang lalaki matapos siyang tuklawin ng ahas sa tuktok ng puno ng niyog sa South Cotabato.Ayon sa mga ulat, nagtamo ng kagat sa balikat ang lalaki matapos siyang tuklawin ng hindi natukoy na ahas sa puno ng niyog.Sinasabing binalaan pa siya ng asawa ng biktima na bumaba na mula sa puno dahil may naunang ahas na umakyat dito. Gayunman, binalewala raw ito ng biktima sa pag-aakalang...

DepEd, nakiramay sa pagpanaw ng kindergarten pupil na tinamaan ng ligaw na bala sa klase

Kinondena ng Department of Education (DepEd) ang pagkamatay ng limang taong gulang na kindergarten pupil na tinamaan ng ligaw na bala sa loob ng classroom.Sa pahayag na inilabas ng DepEd noong Huwebes, Pebrero 12, 2026, nagpahayag sila ng pakikiramay sa kaanak ng biktima.'The Department of Education (DepEd) expresses its deepest condolences to the family of a five-year-old kindergarten...