Malungkot na inanunsyo ng “That’s my Bae” 2015 grand winner ng “Eat Bulaga” na si Kenneth Earl Medrano na siya ay mayroong “testicular cancer."
Sa Instagram (IG) post na ibinahagi ni Kenneth noong Huwebes, Pebrero 12, sinabi niyang siya ay wala sa maayos na kalagayan dulot ng sobrang bigat na kaniyang pinagdaraanan.
“Hi IG family, kamusta po kayo? Hope [you're] okay! To be honest, hindi po ako okay ngayon. Kahit mukhang masaya ako sa lahat ng posts ko, sobrang bigat po ng pinagdadaanan ko,” saad ni Kenneth.
Pagkumpirma niya, “I was recently diagnosed with testicular cancer (right testicle), and I need to undergo urgent surgery next week to prevent it from spreading.”
Base sa inilahad ni Kenneth, aabot daw sa halagang ₱250,000 ang magagastos sa operasyon; at pag-amin niya, hindi niya ito kaya nang mag-isa.
Kuya Kim Atienza, nag-react sa patutsadang 'weak' ni Sen. Robin
“The total hospital cost is around ₱250K, and hindi ko po ito kayang ma-cover mag-isa,” aniya.
Dagdag pa niya, “Nakakahiya ito but gusto ko pa makita ang mga apo ko. Sa mga mabubuting puso, humbly asking for any financial help. Any amount will be a big help for my surgery and recovery. Parang gumuho ang mundo ko!”
Paglalahad pa niya, malaking tulong na rin daw ang mga dasal na iaalay ng netizens para sa kaniyang paggaling.
“If you’re not able to donate, kahit prayers would mean so much. Maraming salamat po sa inyong kindness and support. God bless you always,” pagtatapos niya.
Ayon sa Mayo Clinic, ang testicular cancer ay hindi common type ng cancer. Ngunit ito ay kadalasang tumatama sa may edad 15 hanggang 45.
Base pa sa impormasyong inilahad nito, ito raw ay “highly treatable,” na madalas na dinadaan sa surgery at chemotherapy.
“Testicular cancer is highly treatable, even when it spreads to other parts of the body. Treatments depend on the type of testicular cancer that you have and how far it has spread. Common treatments include surgery and chemotherapy,” paliwanag ng Mayo Clinic.
Vincent Gutierrez/BALITA
