Ibinahagi ni dating Vice President at kasalukuyang Naga City Mayor Leni Robredo ang tila pagsisisi umano niya sa hindi agad pagtugon sa epekto ng fake news at online trolling noon.
Ayon sa inupload na ikalawang parte ng panayam sa Beyond the Game ng Bilyonaryo News Channel kay Robredo sa kanilang YouTube channel noong Miyerkules, Pebrero 11, 2026, sinabi niyang ang hindi niya maagap na pagtugon sa online trolling ang maituturing niyang isa sa kaniyang pinagsisisihan.
“Ako, none, e. Siguro if there ever was and I’m not really sure if that can be branded as a regret, was how we responded to the trolling,” pagsisimula niya.
Screenshot mula sa Bilyonaryo News Channel sa YT.
De Lima sa pagkilala ng SC sa 'property rights' ng same-sex couples: 'A step toward genuine equality!'
Dagdag pa niya, “Because when the trolling was started, it was new—noong 2016, the trolling was very new. Para it only started during the elections.”
Ani Robreado, hindi raw nila agad pinansin ang tungkol sa usapin ng fake news at online trolling dahil akala nila ay hindi maniniwala ang mga tao dito.
“So kami, ano kami, high level. Parang sabi namin don’t mind them. Because false narratives would not be sustainable, in the end, people would not believe them,” aniya.
“Pero how wrong we were because we did not do anything about it,” giit naman niya.
Anang mayora, marami raw ang kumagat sa mga kumalat noon na trolling at fake news tungkol sa kanya at tila huli na noong magsimula silang aksyunan ito.
“Parang a lot of people, bought into the false narratives that were being peddled. And when we started responding to them, parang it was so late already. Naalala ko, I started being a Vice President, 2026. We only started responding to the fake news [on] 2019,” pagkukuwento niya.
Pahabol pa niya, “Kasi naisip ko, bakit ko pag-aaksayaan ng oras, hindi naman totoo.”
Pagpapatuloy naman ni Robredo, hindi rin daw naman niya masisisi ang publiko sa paniniwala sa mga ganoong klaseng balita dahil nakapasok na raw ito sa “ecosystem” sa online dahil sa hindi nila mabilis na pagtugon.
“That was our line of thinking pero looking back, especially when we were trying to make sense in the election already in 2022, we were consulting with some people who are experts in the field. Parang ‘yon ‘yong sinasabi nila na kapag may kasinungalingan [at] hindi mo kaagad kinorrect, parang papasok na siya kaagad sa ecosystem and hindi na rinig ang voice mo,” saad niya.
“So talagang ang tao, hindi mo mabe-blame pero paniniwalaan ‘yun,” pagtatapos pa niya.
MAKI-BALITA: Nadine Lustre kay Leni Robredo: ‘Best candidate for the presidency!’
MAKI-BALITA: De Lima 'di pa nawawalan ng pag-asa, tiwalang 'winnable' si Mayor Leni sa 2028!
Mc Vincent Mirabuna/Balita
