Hindi napigilan ng aktres na si Camille Prats-Yambao ang kaniyang emosyon nang siya ay purihin ng isang netizen, matapos siyang maispatan sa concert ng singer-couple na sina KZ Tandingan at TJ Monterde.
Saad kasi nito, tila “untouched by time” daw si Camille, dahil hanggang ngayon, bitbit pa rin nito ang “Princess Sarah Crewe” aura.
“Just saw the video clip of Camille Prats at KZ Tandingan and TJ Monterde’s concert and wow…did time just stop? From 1995’s ‘Sarah… Ang Munting Prinsesa’ to 2026, she still carries that same Princess Sarah Crewe aura. The smile, the gentleness, the warmth. It is the kind of presence that instantly brings you back to childhood, like seeing an old friend you never really forgot,” anang netizen.
Sagot naman ni Camille, napaiyak siya sa papuring ito.
“Awww thank you…Grabe naman to napaiyak naman ako…I give credit to Him alone! Love, peace and joy that can only come from above and not from this world. Love you all mga batang 90’s!” ani Camille sa kaniyang latest Facebook post nitong Miyerkules, Pebrero 11.
'Ayoko na sana i-public!' Izzy Trazona, ibinalandra 'resibo' ng pag-uusap nila ng anak
Pagbabahagi pa ng aktres, karangalan daw na siya ay naging parte ng “childhood” ng maraming netizens ngayon.
“Grabeee naman pinapaiyak niyo ako sa mga comments niyo…my heart is overwhelmed with joy reading all of it! Its an honor to be a part of your childhood. Kabataan nating lahat na kailanman laging aalalahanin saan man dalhin ng panahon. Love you all!” saad pa niya.
Matatandaang gumanap si Camille bilang si Sarah sa pelikulang “Sarah…Ang Munting Prinsesa” noong taong 1995, sa direksyon ni Romy Suzara.
Kasama niya rito ang ilang premyadong aktor gaya nina Mat Ranillo III, Jean Garcia, Rio Locsin.
Vincent Gutierrez/BALITA
