Justice vs Senador? Carpio, payag sa hamong debate ni Marcoleta!-Balita

Justice vs Senador? Carpio, payag sa hamong debate ni Marcoleta!

Tila handang palagan ni dating Supreme Court Senior Associate Justice Antonio Carpio ang hamong “friendly debate” ni Sen. Rodante Marcoleta sa kaniya, kina Philippine Coast Guard (PCG) Spokesperson Jay Tarriela, at University of the Philippines (UP) Institute for Maritime Affairs at Law of the Sea director Jay Batongbacal kaugnay sa usapin sa Kalayaan Island Group (KIG).

“Mas mabuting gawin bago 'yon, pakisabi n'yo kay Commodore Tarriela kasama si Justice [Antonio] Carpio and [Professor Joy Batongbacal], magkita-kita muna kami para sa isang friendly debate bago kami magpunta doon,” saad ni Marcoleta noong Lunes, Pebrero 9, 2026.

KAUGNAY NA BALITA: Sen. Marcoleta, naglatag muna ng kondisyon bago pumuntang KIG

Ayon naman sa naging pahayag ni Carpio sa ambush interview ng media sa kaniya noong Martes, Pebrero 10, diretsahan niyang kinumpirma ang pagtanggap niya sa nasabing hamon ng senador.

“Yes. I accepted the challenge to debate this topic,” aniya.

Pagbabahagi ni Carpio, una raw nilang pagdedebatehan ang usapin tungkol sa kung may legal na batayan ba ang West Philippine Sea (WPS).

“The first topic, is there legally a West Philippine Sea? In other words, is it in our law that there is a West Philippine Sea because Marcoleta is saying [that] there is no such thing as West Philippine Sea,” saad niya.

Bukod dito, pag-uusapan din daw nila kung sakop ba raw ng WPS ang KIG.

“Second is if there is a West Philippine Sea law, are the maritime zones of our islands, in the Kalayaan Island Group, part of the West Philippine Sea,” aniya.

“‘Yon lang, very simple. I think that will have our people to understand the issues involved in the West Philippine Sea,” pagtatapos pa niya.

Samantala, hindi naman na nagbigay pa si Carpio ng eksaktong petsa kung kailangan nila gagawin ang debate at hind rin ito nagbigay ng lokasyon na paggaganapan nito.

Habang sinusulat ito, hindi pa naman naglalabas ng pahayag, tugon, o reaksyon si Marcoleta kaugnay rito.

KAUGNAY NA BALITA: 'Pag ayaw, maraming dahilan!' Akbayan, bumwelta kay Sen. Marcoleta tungkol sa KIG

KAUGNAY NA BALITA: 'Di ko sinabing ipamigay!' Sen. Marcoleta, mariing itinanggi suhestiyong isuko KIG

Mc Vincent Mirabuna/Balita

‘We will not be silenced!’ Sen. Risa, sumabat sa pag-alma ng China sa Senate reso

Mariing nanindigan si Senador Risa Hontiveros na hindi umano sila mananahimik matapos ang naging tila pagkondena ng Chinese Embassy sa ipinasang resolusyon ng Senado na kumukondena rin sa mga pahayag ng nasabing embahada sa mga mambabatas at opisyal sa Pilipinas. Ayon kasi sa inilabas na pahayag ni Chinese Embassy Spokesperson Ji Lingpeng sa kanilang Facebook page noong Martes, Pebrero 10, 2026,...

16 opisyal sa komunidad ng Kalayaan, pinagbawalang pumasok sa China

Naglabas ng listahan ang Chinese Embassy ng mga opisyal mula munisipalidad ng Kalayaan, Palawan, kung saan pinagbawalan nila ang mga itong pumasok o idineklarang “not welcome” sa bansang China. Bago nito, matatandaang nauna nang magpasa ng resolusyon ang lokal na munisipalidad ng Kalayaan, Palawan tungkol sa pagdedeklarang “persona non grata” sa kanilang lugar si Chinese Ambassador to the...

Casualties sa nagpapatuloy na “search and rescue” sa MV Trisha Kerstin 3, umakyat na sa 51

Umakyat na sa 51 ang bilang ng mga nasawi ngayong Martes, Pebrero 10, mula sa nagpapatuloy na “search and rescue” sa lumubog na MV Trisha Kerstin 3, kamakailan. Base sa latest update ng Philippine Coast Guard (PCG) nito ring Pebrero 10, limang bangkay ang narekober ng PCG Technical Diving Group (TDG) sa nagpapatuloy na “search and rescue” operations. Ang mga nasabing bangkay ay agad...