Grabe naman pala ang karanasan ni singer-songwriter Ogie Alcasid sa mismong pagdiriwang nila ng 15th wedding anniversary ng misis na si Regine Velasquez-Alcasid noong Disyembre 2025.
Sa panayam sa kanilang mag-asawa ni ABS-CBN News Channel (ANC) anchor Karmina Constantino, sa vlog niyang "KC After Hours," sinabi ni Ogie na muntikan na pala siyang mamatay matapos mabulunan habang kumakain.
Aniya, bagama't ikinasal ang anak niyang si Leila Alcasid noong 2025 at gusto niyang maging highlight of the year iyon, hindi pa rin niya pinalagpas ang pagkakataong makapag-celebrate sila ni Regine ng 15th wedding anniversary.
"Let us go to our favorite island and bring family, 50 of us. And of course, I could not afford that so I can just sing one night. I had a concert and she guested," ani Ogie.
Lady driver na umararo sa resto ni Matteo, gas natapakan sa halip na brakes
Matapos daw ang pagkanta, nakipagkuwentuhan siya sa banda. Habang nakikipagkuwentuhan, nabilaukan daw sya sa kinakain na chicken, hanggang sa nawalan ng malay.
"After the concert I was chatting with the band and I have this really bad habit of not chewing my food. So nakipagkuwentuhan ako and I choked on my food, on the chicken I was eating. It was quite dry and I had a bad cough too. I choked and lost consciousness," kuwento ni Ogie.
"He almost died," singit pa ni Regine.
Mabuti na lamang daw at naroon si Sarah, isa sa mga anak ni Ogie, na isang nurse sa Australia. Shocked na shocked naman daw si Regine at hindi makapaniwala sa mga nangyari, lalo't ilang segundo lang daw, puwedeng mawala sa kanila ang mister kung hindi siya naagapan ng anak.
Kaya naman, laking pasasalamat daw ni Regine nang manumbalik ang ulirat ni Ogie.
“She pounded his back. It was a few seconds but we could have lost him. I was so scared and I was so shocked, I could not believe it. In my head I kept thinking I could have actually lost him,” sabi naman ni Regine.
“I regained consciousness and she was holding my face. She said, ‘Dad, can you hear me? Can you breathe?’” kuwento ni Ogie.
"It was a few second but we could have lost him," saad pa ni Regine.
Matapos daw ang insidente, nagkaroon daw ng mga realisasyon sa buhay ang singer-songwriter.
“I had so many realizations that night. Then we had a convo with my son and with the family. What I realized from that experience is that yes, life is really short and it comes so unexpectedly."
“And going away while eating chicken is not ideal. It is not a good way to go, not a good look," aniya.
Lagi raw ipinapaalala ni Regine kay Ogie na magpahinga rin. Aminado kasi si Ogie na marami raw siyang pinagkaabalahan nong 2025.
