Kinumpirma ng gaming at e-sports personalities na sina Kyedae at TenZ nitong Linggo, Pebrero 8, ang paghihiwalay nila matapos ang anim na taon nilang relasyon.
Ang nasabing break up ay inihayag ng Japanese-Canadian streamer na si Kyedae sa kaniyang Instagram story.
“We’ve actually been broken up for quite some time now. Toward the end of our relationship, we came to a relationship, we came to a realization that wasn’t easy to accept: we had stopped growing as individuals,” saad ni Kyedae patungkol sa paghihiwalay nila ng fiancé na si TenZ, na isang Canadian pro player at streamer.
Ani Kyedae, sa loob ng anim na taon, lahat ay ginawa nila ni TenZ nang magkasama, at sa tagal nito, nawalan daw sila ng espasyo para mas makilala ang sarili nila.
Kylie Verzosa, engaged na sa non-showbiz boyfriend!
“We moved in together just weeks after meeting, and from ages 17 to 24, that was all we knew. Over time, it became clear that we needed space to grow into our own people separately,” saad ni Kyedae.
Nilinaw din ng gamer na sa kabila nito, wala silang hinanakit sa isa’t isa at wala nang iba pang dahilan na nauwi sa paghihiwalay.
“We know the internet often looks for ‘the tea’ but the truth is simple– we grew apart. There was no wrongdoing, no resentment, and no single event that caused this,” ani Kyedae.
Sa pagtatapos ng pahayag, tiniyak ni Kyedae sa followers nila na nananatili nilang hiling ang makabubuti sa isa’t isa, at lubos ang pasasalamat nila sa mga panahon na pinagsamahan nila ni TenZ.
“We still care deeply about each other and genuinely want the best for one another. We’re also incredibly grateful for the time and life we shared together!” pagtitiyak ni Kyedae sa kanilang followers.
“Thank you for respecting our privacy,” dagdag pa niya.
Photo courtesy: Kyedae (IG)
Sina Kyedae at TenZ ay kilalang mga personalidad sa VALORANT streaming community.
Bukod sa kanilang personal na relasyon, ang pagsasama nina Kyedae at TenZ ay isa sa mga kilalang partnership sa larangan ng e-sports.
Sean Antonio/BALITA
