Nanawagan ang komedyanteng si Tuesday Vargas sa mga kaibigan niyang writer, producer, at director para mabigyan siya ng trabaho.
Sa isang Facebook post ni Tuesday noong Sabado, Pebrero 7, tiniyak niyang masipag siyang magtrabaho.
Aniya, “I am a diligent worker and I'd like to believe that I am a good and versatile artist. Please hire me po. Promise pag huhusayan ko po. Salamat po.”
“Wala pong role na maliit at wala din pong role na mahirap. Kaya ko po yan, subukan nyo po akong i hire at gagawin ko ang aking best. Salamat po!” dugtong pa niya sa isang hiwalay na Facebook post.
‘Sa wakas!’ Sugar Mercado, Izzy Trazona lumitaw sa concert ng SexBomb Girls
Samantala, bumwelta naman si Tuesday sa negatibong komento ng ilan na laos na umano siya dahil naghahanap na lang siya ng trabaho sa followers.
“Please lang po,” anang komedyanteng, “maayos naman akong nagpo-promote ng aking services at wala naman akong tinatapakan na tao kaya wag naman kayong ganyan.”
Dagdag pa niya, “May ipon naman ako pero nanay po ako at gusto kong may tuloy-tuloy akong pang buhay sa pamilya ko dahil nga nawalan ako ng show. Ganun sa showbiz, minsan mabilis ang turnover at walang warning.”
Kaya naman pakiusap ni Tuesday na kung wala namang alam sa kaniyang buhay at hindi naman nakapag-aambag sa mga bayarin niya, mas mabuting huwag na siyang diktahan sa kung ano ang dapat niyang gawin.
“Respect the hustle, guys. Wag naman kayong nega,” pahabol pa niya.
