Inihayag ni House Secretary General Cheloy Garafil na naisumite na niya sa Office of the House Speaker ang dalawang impeachment complaints ni Vice President Sara Duterte.
Sa pahayag na inilabas ni Garafil nitong Biyernes, Pebrero 6, 2026, inihayag niyang naipasa na niya ang nasabing mga reklamo noong Huwebes ng hapon, Pebrero 5.
"Upon receipt and verification of the complaints and their accompanying endorsements, the Office of the Secretary General forwarded the documents to the Office of the House Speaker," saad ni Garafil.
Bago nito, matatandaang noong Huwebes ng umaga nang ipahiwatig ni House Speaker Faustino “Bojie” Dy na wala pa umanong naipapasa kaniya si Garafil hinggil sa impeachment complaints kay VP Sara.
PBBM, 'happy' sa pagbabasura ng impeachment complaint laban sa kaniya
Sa ambush interview ng media kay Dy tanging pag-iling at kumaway na lang ang kamay niya nang tanungin kung na-transmit na sa kaniyang opisina.
KAUGNAY NA BALITA: Impeachment complaints kay VP Sara, 'di pa raw transmitted kay House Speaker Dy!
Matatandaang muling nahaharap sa dalawang impeachment complaints si VP Sara matapos ang magkasunod na paghahain ng Makabayan Bloc at civil society kasama sina Mamamayang Liberal (ML) Partylist Rep. Leila de Lima noong Lunes, Pebrero 2.
KAUGNAY NA BALITA: 'Round 2!' Makabayan bloc, naghain ng impeachment complaint vs VP Sara
KAUGNAY NA BALITA: Banat ni Rep. De Lima sa bagong impeachment case kay VP Sara: 'It's about time na panagutin na!'
