PBBM, 'happy' sa pagbabasura ng impeachment complaint laban sa kaniya-Balita

PBBM, 'happy' sa pagbabasura ng impeachment complaint laban sa kaniya

Nagbigay ng komento si Pangulong Ferdinand “Bongbong” Marcos, Jr., kaugnay sa pagbabasura ng House Committee on Justice sa dalawang (2) impeachment complaint laban sa kaniya.

KAUGNAY NA BALITA: 'Insufficient in substance!' Impeachment complaints kay PBBM, dedo sa Kamara

Ayon sa Pangulo nitong Biyernes, Pebrero 6, 2026, sinabi niyang ginagawa lang daw ng nasabing komite ang kanilang trabaho.

“Not really [na magbigay ng komento]. I mean the House is just doing their job,” pagsisimula niya.

Dagdag niya, “I’m glad that the impeachment complaint against me [has] been finished.”

Ani PBBM, masaya raw siya na tapos na ang nasabing reklamo laban sa kaniya at wala raw magiging distraksyon sa mga bagay na ginagawa nila.

“As the statement we made earlier, I’m happy it’s done and we can get on with our work because these things are [a] distraction from the things that we are doing,” aniya.

Pagpapatuloy ng Pangulo, hindi na rin daw siya nag-alala tungkol sa mga impeachment case laba sa kaniya noon dahil nabasa na niya raw ito at alam niyang wala umanong tunay na grounds laban sa kaniya.

“Although, I wasn’t very worried because I saw the impeachment complaint and I knew that I would be alright in terms of the impeachment,” pagbabahagi niya.

“Kasi wala namang… There were no real ground for the impeachment. It was a political move,” pagtatapos pa niya.

Matatandaang tuluyang ibinasura ng House of Representatives ang dalawang impeachment complaints na nakabala laban kay PBBM noong Miyerkules, Pebrero 4, 2026.

KAUGNAY NA BALITA: 'Insufficient in substance!' Impeachment complaints kay PBBM, dedo sa Kamara

Kapuwa umano walang nakuhang sapat na boto ang dalawang impeachment complaints na idineklarang insufficient in substance.

Nakakuha ng botong 42-1-3 ang unang impeachment complaint na inihain ni Atty. Andre De Jesus habang 7-39-0 naman ang nakuhang boto ng reklamong inihain ng Makabayan Bloc.

MAKI-BALITA: 'Kadiri!' Koalisyong Makabayan, 'di raw ikinagulat pagbasura sa impeachment complaints vs PBBM

MAKI-BALITA: 'Walang merito!' Palasyo ikinatuwa pagbasura sa impeachment complaints vs PBBM

Mc Vincent Mirabuna/Balita

10.4°C, naitalang pinakamababang temperatura sa Benguet ngayong 2026

Naitala sa La Trinidad, Benguet, ngayong umaga ng Biyernes, Pebrero 6, ang 10.4°C, ang pinakamababang temperatura sa pagtutuloy ng amihan season sa 2026. Makikita rin sa tala ng Benguet-Philippine Information Agency (PIA) kamakailan na dahil sa patuloy na paglamig ng klima rito, kinahaharap ng maraming magsasaka ang pagyeyelo ng mga pananim o andap, partikular sa mga bayan ng Atok at...

Unemployment rate sa bansa, pumalo ng mahigit 2M noong Nov-Dec 2025

Nagkaroon ng pagtaas ang bilang ng mga Pilipinong walang trabaho, ayon sa datos ng Philippine Statistics Authority (PSA) Labor Force Survey.Sa press briefing ni National Statistician at PSA Chair Clair Dennis Mapa, pumalo ng 2.2 milyon ang bilang ng mga walang trabaho mula edad 15 taong gulang pataas.Mas mataas din ito sa 1.63 milyong naitala noong Disyembre 2024.Batay sa porsiyento ng 51.69...

4 na miyembrong pamilya, nasawi sa landslide bunsod ng bagyong Basyang

Nasawi mula sa pagguho ng lupa ang isang pamilya sa Cagayan De Oro noong Huwebes, Pebrero 5, dahil sa malakas na pag-ulan dala ng bagyong Basyang. Base sa mga ulat, ang nasabing pamilya ay binubuo ng apat na miyembro na natabunan ng gumuhong lupa sa kanilang bahay sa Brgy. Sambulawan, Agusan, Cagayan de Oro City. Ang mga biktima ay ang mag-asawa na may-ari ng bahay at kanilang mga pamangkin na...