Inanunsyo ng Coast Guard District Southeastern Mindanao (CGDSEM) na wala nang tyansa ng survival sa isinagawa nilang 15 araw ng “search and rescue” operations sa tumaob na MBCA Amejara kamakailan.
Ipinaliwanag ng CGDSEM sa pahayag nila sa social media, na sa kabila ng mabusisi nilang pagsuyod sa karagatan at dalampasigan, at aerial searches, sa rehiyon ng Davao hanggang sa Indonesia Area of Responsibility, isa lamang ang naitalang survivor mula sa insidente ng paglubog.
Anila pa, sa mga operasyon ding ito, anim na katawan at ilan lamang floating debris ang kanilang natagpuan, kabilang dito ang life jackets at life rings na mayroong marka ng MBCA Amejara.
Kaya matapos ang nasabing 15 araw na “Search and Rescue,” opisyal na nilang inililipat ang operasyon sa “Retrieval Operations.”
72-anyos na lolang inaakusahang nagkupkop ng mga rebelde, pinagbabaril sa harap ng bahay
“Following a thorough operational assessment, the Philippine Coast Guard (PCG) transitioned from Search and Rescue to Search and Retrieval operations, effective yesterday, February 4, 2026,” saad ng CGDSEM sa kanilang pahayag.
“Despite exhaustive surface, shoreline, and aerial searches conducted across the Davao Region and extending into the Indonesia Area of Responsibility, search teams located one survivor, six bodies, and various floating debris, including life jackets and life rings bearing Amejara markings. Based on all available information and prevailing conditions, the probability of further survival was determined to be no longer feasible; thus, SAR operations were formally concluded,” dagdag pa ng ahensya.
Sa nasabi ring pahayag, lubos ang pasasalamat ng PCG sa lahat ng ahensya, volunteers, at stakeholders na nagbahagi ng kanilang suporta sa naging operasyon ng paghahanap.
Gayundin sa pamilya at mga kaanak ng mga biktima na umunawa sa mga proseso ng ahensya.
Tiniyak ng PCG rito na magpapatuloy sila sa kanilang recovery efforts.
“The Philippine Coast Guard expressed its sincere appreciation to all agencies, volunteers, and stakeholders for their support, and thanked the families for their patience and understanding during this difficult time. The PCG remains committed to conducting all recovery efforts with the highest levels of professionalism, respect, and dignity,” ani PCG.
Matatandaang unang naiulat ang pagtaob ng MBCA Amejara sa katubigan ng Davao Gulf noong Enero 19.
MAKI-BALITA: ALAMIN: Ang pagtaob at pagkawala ng MBCA Amejara sa Davao
KAUGNAY NA BALITA: 6 na katawan at life vests, mga narekober sa 12 araw ng ‘search and rescue’ sa MBCA Amejara
Sean Antonio/BALITA
