Itinanggi ng kampo ni Vice President Sara Duterte ang umugong na mga balitang ilaladlad umano nila ang kontrobersyal na si Mary Grace Piattos kung sakaling umusad ang impeachment trial laban sa Bise Presidente.
Sa pahayag na inilabas ni Atty. Michael Poa-spokesperson ng defense team ni VP Sara, iginiit niyang wala raw silang inaanunsyo hinggil sa naturang ulat para kay Piattos.
KAUGNAY NA BALITA: 'Mary Grace Piattos,' posible nang ipakilala kapag umusad impeachment vs VP Sara
"For clarity, this is inaccurate. I have not made any such statement, nor have I confirmed or announced any such course of action," ani POA.
Palasyo, pinabulaanang papalitan na si DOT Sec. Frasco
Kaugnay nito, nakiusap din si Poa sa media hinggil sa paglalabas umano ng mga unverified reports.
"We respectfully appeal to our colleagues in the media to avoid attributing statements or positions that were never made, in the interest of a fair public discussion," saad ni POA.
Matatandaang kumalat sa social media ang umano’y nakatakdang pagbibigay-linaw umano ni VP Sara sa pagkatao ni Mary Grace Piattos na isa sa mga nakalahad sa resibo ng confidential funds ng Pangalawang Pangulo, matapos ang muling pagkakasa ng dalawang bagong impeachment complaints laban sa kaniya.
