Nagbigay ng pahayag si Mamamayang Liberal (ML) Partylist Rep. Leila de Lima sa pagdinig ng House Committee on Justice tungkol sa umano’y umano’y mga alegasyong isang “addict” at gumagamit ng ipinagbabawal na gamot si Pangulong Ferdinand “Bongbong” Marcos, Jr., na nakabase ikalawang batayan ng unang impeachment laban sa kaniya.
Ayon kay De Lima sa naging pagdinig House Committee on Justice nitong Martes, Pebrero 3, una niyang pinuntirya ang umano’y “serious accusation” na “drug addict” diumano si PBBM.
“Sub-allegations number one, there are serious accusations that PBBM is a drug addict. The offense allotted for this ground is drug addiction,” pagsisimula niya, “Stating that there are allegations do not constitute factual allegations of the addiction.”
Dagdag niya, “This ground presupposes that because is an addict or an alleged addict, he is unfit to be President. However, unfitness per se is not a ground for impeachment.”
PBBM, nakapokus sa pagpapaangat ng ekonomiya—Palasyo
Ani De Lima, hindi raw “sufficiently” na-established ang nasabing alegasyon tungkol kay PBBM.
“Even when considered as constituting bases for betrayal for public trust, the statements on this ground do not sufficiently establish allegations on how specific presidential acts were impaired by PBBM’s addiction.”
Nagawa ring ilatag ni De Lima na hindi isang “factual allegation” ang naging paglalahad noon sa publiko ng kapatid ni PBBM na si Sen. Imee Marcos na isa nga raw itong “addict.”
“Senator Imee, the sister, admitted or alleged or announced that PBBM is a drug addict. Again this is not a factual allegation but a conclusion that because Sen. Imee admitted or announced that PBBM is an addict then he must be an addict,” aniya.
Pagpapatuloy niya, maaari naman daw na maituring na gumawa ng betrayal of public trust si PBBM dahil sa kabiguan nitong ma-disclosed sa publiko ang nasabing alegasyon.
“The most that can be made out by this ground is that there was a betrayal of a public trust because of PBBM's failure to disclose his addiction,” saad niya.
Ngunit nananatili pa rin umanong insufficient ang nasabing alegasyon.
“However, the recital of the allegation to this ground is still insufficient in terms of showing the nexus between the facts raised or alleged and betrayal of public trust,” paglilinaw pa niya.
Paglalatag pa ni De Lima, nanatili raw na hindi “factual allegation” ang mga paratang na binabato sa Pangulo dahilan para hindi nito mapunan ang mga kinakailangan batayan para sa legal na proseso.
“Public accusations of PBBM’s addiction, Sen. Imee’s claimed of PBBM’s addiction, PBBM’s refusal to submit on a drug test on his silence on accusations of being an addict still do not constitute the factual allegations necessary to satisfy the legal exercise and the formulation of causes of action that assuming they were all true, they established the betrayal of trust,” pagtatapos niya.
Samantala, habang sinusulat ito, wala pa namang inilalabas na pahayag, tugon, o reaksyon si PBBM kaugnay rito.
Kaugnay nito, pormal namang inanunsyo ni House Justice Committee Chair Gerville Luistro sa nasabing pagdinig ang pagtatakda ng botohan ng mga miyembro ng kanilang Komite tungkol sa “sufficiency in substance” ng impeachment complaint laban kay PBBM sa darating na Miyerkules, Pebrero 4, 2026.
MAKI-BALITA: Botohan para sa 'sufficiency in substance' ng impeachment vs PBBM, itinakda sa Peb 4!
MAKI-BALITA: PBBM, dapat ipaubaya na sa Ombudsman imbestigasyon sa flood control—Trillanes
Mc Vincent Mirabuna/Balita
