Hindi tinanggap ng Supreme Court (SC) En Banc ang Motion for Reconsideration na inihain ng House of the Representatives na naglalayong i-reverse ang nauna na nilang desisyon noong Hulyo 25, 2025 na “unconstitutional” ang impeachment complaint laban kay Vice President Sara Duterte.
Ayon sa naging pahayag ng Korte Suprema sa kanilang Facebook page nitong Huwebes, Enero 29, sinabi nilang ang ikaapat (4th) na impeachment complaint na ipinadala sa Senado noong Pebrero 5, 2025 na-barred na alinsunod sa Article XI, Section 3, subsection (5) ng Konstitusyon.
“By a unanimous vote of all those participating, the #SupremeCourtPH (SC) En Banc, denied with finality the Motion for Reconsideration filed by the House of Representatives, which sought to reverse the Court’s July 25, 2025 Decision that declared the Articles of Impeachment against Vice President Sara Z. Duterte [is] unconstitutional,” pagsisimula nila.
Dagdag pa nila, “It affirmed that the fourth impeachment complaint transmitted to the Senate on February 5, 2025 was already barred by Article XI, Section 3, subsection (5) of the Constitution. Associate Justice Alfredo Benjamin Caguioa took no part. Associate Justice Maria Filomena Singh was on leave.”
Nartatez, pinaiimbestigahan na sa PNP-ACG ang pekeng 'medical report' ni PBBM
Idiniin ng Korte Suprema na hindi raw nakasama sa Order of Business sa loob ng sampung (10) araw ang naunang tatlong impeachment complaint naman na inihain din laban kay VP Sara.
“First, the first three impeachment complaints filed in accordance with the first mode of initiating an impeachment, that is Article XI, Section 3, subsection (2), were not placed in the Order of Business within the required 10 session days,” anila.
Pagpapatuloy ng Korte Suprema, kapag may naihain nang pormal na impeachment complaint sa ilalim ng Article XI, Section 3, subsection (2) ay maituturing nang nagsimula na ang pagbibilang ng one-year bar ayon sa subsection (5) ng Article XI, Section 3.
Nilinaw rin ng Korte Suprema na may kapangyarihan ang House of Representatives na gumawa ng sarili nitong Rules on Impeachment ngunit iginiit din nilang alinsunod sa kasalukuyang nakasulat na House Rules, kailangan pa ring idaan sa Committee on Justice ang impeachment complaint kahit ito ay isinampa sa second mode.
Paliwanag nila, ang second mode ay makikita sa Article XI, Section 3, subsection (4) ng Constitution na nangangailangan ng pirma o suporta ng hindi bababa sa one-third (⅓) ng mga miyembro ng Kamara para maipasa ang Articles of Impeachment.
Maaari raw ipasa ng Kamara sa Committee on Justice ang impeachment complaint laban sa isang indibidwal kung aabot sa o hindi bababa sa one-third ng mga miyembro ng Kamara.
Ayon pa sa Korte Suprema, may mga impeachment process daw na kailangang sundin kagaya ng iba pang due process sa paglilitis at batas.
Sa madaling salita, may mga proseso sa impeachment na kailangang sundin bilang bahagi ng due process, bagaman iba ito sa karaniwang paglilitis sa korte.
Nilinaw din nila na kailangan daw mabigyan ang lahat ng endorsing member kopya ng impeachment complaint bilang supporting evidence. Dahil dito, maaari lang daw na isagawa ang transmittal ng impeachment complaint sa gitna ng plenary session ng mga miyembro ng Kamara at masiguradong mayroon silang lahat na kopya ng impeachment complaint.
“The Court also noted that the transmittal of the Articles of Impeachment should be done in a plenary session of the House of Representatives, providing all the members of the House of Representatives with full copies of the complaint and its accompanying evidence mentioned in Rule IV, Section 14 of the House Rules on Impeachment,” saad nila.
Samantala, kinakailangan lang naman umano ng Senado sa paglilipat sa kanila ng impeachment complaint kung mayroon na itong lampas sa one-third na boto mula sa mga miyembro ng Kamara at one-third na proof of endorsement sa second mode.
“Transmittal to the Senate, however, requires only a vote of one-third of its members for the first mode of initiating a complaint, or proof of the endorsement of a complaint by one-third of its members for the second mode,” paglilinaw nila.
Panghuli, binigyang-diin ng Korte ang umano’y naipasang motions for reconsideration sa kanila mula sa mga indibidwal na hindi naman partido sa kaso, ngunit hindi ito pinakinggan o pinayagan.
“Finally, the Court noted all the motions for intervention and pleadings filed by individuals who were not parties to the case,” anila.
Anang Korte Suprema, wala na raw silang tatanggapin pang bagong mosyon o pleading kaugnay sa nasabing impeachment complaint laban kay VP Sara.
“The Resolution is immediately executory upon digital service on all parties. No further pleadings will be allowed,” pagtatapos pa nila.
MAKI-BALITA: 'Next week, magfa-file kami!' Makabayan Bloc, magkakasa ng bagong impeachment complaint kay VP Sara
