Nagpasa ng resolusyon si Sen. Imee Marcos sa Senado kung saan hiniling niyang isulong ng mga kapuwa niya mambabatas ang propesyunalismo patungkol sa naging mainit na tensyon ng mga ito sa Chinese embassy.
Ayon sa isinumiteng resolusyon ni Marcos sa Senado na nakapetsa nitong Miyerkules, Enero 28, 2026, binalikan niya ang mga naging alitan at pahayag sa pagitan ng Chinese embassy at ilang mga kapuwa niya senador na hindi na niya pinangalanan, Department of Foreign Affairs (DFA), at Philippine Coast Guard (PCG).
Binigyang-diin ni Marcos ang Article 41 ng Vienna Convention and on Diplomatic Relations, Section 4 ng Republic Act No. 6713 o kilala rin bilang “Code of Conduct and Ethical Standards for Public Officials and Employees,” PCG Memorandum Circular No. 05-16 o kilala rin bilang “Code of Conduct and Discipline for Philippine Coast Guard Uniformed Personnel,” at Executive Order No. 292 o kilala rin bilang “Administrative Code of 1987.”
Mga batayan at batas na dapat umanong sundin ng mga kapuwa niya government officials at mga nasabing ahensya ng pamahalaan sa Pilipinas.
'May pag-asa pa!' Sen. Bam, naniniwalang kayang tapusin ang krisis sa edukasyon
Matapos nito, nagawang manawagan ni Marcos sa kapuwa niyang mga government officials at employees na panatilihin umano ang mataas na pamantayan ng propesyunalismo sa kanilang trabaho.
“Call upon all government officials and employees to maintain circumspection in language and action, and to uphold the highest standards of professionalism in public communications and exchanges with foreign governments and diplomatic missions,” aniya.
Dagdag pa ng senadora, dapat din na maging matibay ang mandato ng DFA bilang pangunahing ahensya na nagsusulong foreign relations at respetuhin ito ng iba pang mga ahensya ng pamahalaan.
“Affirm the mandate of the Department of Foreign Affairs as the lead agency in the conduct of foreign relations, and call upon all government agencies and officials to respect its institutional role by according it sufficient latitude and cooperation in addressing international issues through appropriate diplomatic channels,” pagdidiin niya.
“RESOLVED, FURTHER, that the Senate Committee on Foreign Relations be designated as the primary committee whenever the implementation of this Resolution affects foreign policy and diplomatic relations,” pagtatapos ni Marcos sa nasabing resolusyon.
MAKI-BALITA: 'They kept replying!' Chinese Embassy, parang isang troll farm—Sen. Risa
MAKI-BALITA: 'Layas!' Sen. Erwin Tulfo, nanggigil sa mga opisyal ng Chinese Embassy
MAKI-BALITA: 'Namimihasa na kayo mga walang 'ya!' Sen. Jinggoy, napikon na rin sa China
MAKI-BALITA: Chinese embassy officials, dapat mapraktis 'good diplomacy' bilang bisita ng ‘Pinas—PCG Spox Tarriela
Mc Vincent Mirabuna/Balita
