Direkta ang mga patutsada ni Mamamayang Liberal (ML) Party-list Rep. Atty. Leila de Lima sa legal counsel ni dating Pangulong Rodrigo Duterte na si Atty. Nicholas Kaufman.
Kaugnay ito sa inilabas na deklarasyon ng Pre-Trial Chamber 1 ng International Criminal Court (ICC), kung saan ibinahagi nila na “fit to take part in pre-trial proceedings” si FPRRD.
Ayon sa ibinahaging social media post ni De Lima noong Lunes, Enero 26, inaasahan pa raw nila ang ilang “delaying tactics” mula kay Kaufman, dahil hindi umano nito kayang ipagtanggol ang dating pangulo sa mismong pagdinig.
“We can expect more delaying tactics from Kaufman because he simply cannot defend Duterte in the trial proper,” panimula ni De Lima.
Aniya pa, “He will continue to harp on Duterte's supposed mental incapacity to stop the trial. But he can only do so much in his dilatory tactics. In the end, Duterte will still face justice and pay for his crimes.”
'Pinas, nasa de facto Martial Law kahit walang opisyal na deklarasyon!'—Rep. Leviste
Anang mambabatas, ang deklarasyong ito ay nagpapatunay na ang mga boses ng mga umano’y biktima ay hindi mapipigilan ng “technical evasions.”
“Duterte cannot boast of iron will and total control for years, then plead mental unfitness when finally called to account,” anang mambabatas.
“This ruling tells victims that in the reckoning of Duterte at the ICC, their voices will not be sidelined by technical evasions,” pagtatapos niya.
Sa hiwalay na social media post noon ding Lunes, Enero 26, tahasang sinabi ni De Lima na tapos na raw ang drama, at ang deklarasyon ng ICC ay tanda ng pagpapatuloy na paggulong ng hustisya.
“Tapos na ang drama. Tuloy na ang kaso at paggulong ng hustisya. Duterte at enablers, panagutin!” aniya.
Base rin sa impormasyong inilahad ng ICC, itinakda na ng hukuman na magsisimula ang confirmation of charges ni Duterte sa Pebrero 23, 2026.
Vincent Gutierrez/BALITA
