Tila nanggigil si Sen. Erwin Tulfo sa mga opisyal ng Chinese Embassy sa Pilipinas kaugnay sa umano’y pagtuturo nito tungkol sa freedom of speech ng mga kawani ng gobyerno sa bansa.
“No one wants to silence you, and no one should be silenced. But freedom of speech is NOT a license to recklessly defame or attack others, let alone the head of state of another country—this is completely unacceptable,” saad ni Chinese Embassy Deputy Spokesperson Guo Wei sa kanilang Facebook page noong Biyernes, Enero 23, 2026.
KAUGNAY NA BALITA: Chinese Embassy kay Sen. Risa: 'What you're doing isn't advocacy, it's political theater!'
Ayon naman sa naging speech ni Tulfo sa isinagawa nilang plenary session sa Senado nitong Lunes, Enero 26, sinabi niyang tumitindig siya para sa pambansang dignidad ng Pilipinas.
Ex-CHED chair, binatikos matapos maghayag ng pagkadismaya sa pagkakaltas ng GE subjects
“I rise today in defense of dignity—our national dignity,” pagsisimula niya.
Dagdag pa niya, “Spokesperson of the Chinese embassy recently lectured Filipinos and worst—Philippine officials on the limits of freedom of speech. We are told that criticizing the foreign head of state is completely unacceptable.”
Ani Tulfo, malaya raw umalis ng mga opisyal ng Chinese embassy kung hindi nila gusto ang takbo ng demokrasya sa bansa.
“Let me say this then, Mr. President. If you do not like how democracy works in this country then you are free to leave the Philippines,” aniya.
Direktang saad niya pa, “Get the fuck out.”
Paliwanag ni Tulfo, “Kung hindi nila gusto kung paano gumagana ang demokrasya sa ating bansa, malinaw po ang sagot, layas.”
Pagpapatuloy ng senador, hindi raw ang Chinese embassy ang boss ng mga Pilipino at lalong hindi nila tau-tauhan ang taumbayan.
“This is our house. Hindi sila ang boss natin at tayo ay mga tau-tauhan lang nila,” diin niya.
Buwelta pa ni Tulfo, wala raw moral na awtoridad ang Chinese embassy para turuan ang Pilipinas tungkol sa freedom of speech dahil wala naman daw umanong freedom of speech sa kanilang bansa.
“To the Chinese embassy officials, you do not have the moral authority to lecture Filipinos about freedom of speech because freedom of speech does not exist in your country,” pagkukumpara niya.
“It is not practice, it is not protected, it is punished. So do not export censorship to a nation that fought, bled, and died to be free,” pagtatapos pa niya.
Samantala, habang sinusulat ito, hindi pa naglalabas ng pahayag ang Chinese embassy kaugnay sa naging buwelta ni Tulfo sa kanila.
MAKI-BALITA: Chinese Embassy kay Sen. Risa: 'What you're doing isn't advocacy, it's political theater!'
MAKI-BALITA: 'We will never be a province of China!' Sen. Pangilinan, sumabat sa Chinese Embassy
Mc Vincent Mirabuna/Balita
