Binira ni dating Department of Finance (DOF) Usec. Cielo Magno ang House of Representatives matapos nitong hindi tanggapin ang dalawang magkahiwalay na impeachment complaints na inihain laban kay Pangulong Ferdinand “Bongbong” Marcos, Jr.
Sa isang Facebook post ni Magno noong Biyernes, Enero 23, hinimok niya ang Kamara na tanggapin ang complaints at tingnan muna ang mga batayan nito.
“Congress, mahiya naman kayo. Tanggapin n’yo ang impeachment cases laban kay PBBM at tingnan n’yo kung may basis. Hindi ‘yong gumagawa kayo ng excuse,” saad ni Magno.
Matatandaang hindi tinanggap ng Kamara ang dalawang impeachment complaint laban sa Pangulo dahil absent umano si House Secretary General Cheloy Garafil.
Torre kinarga ang 'sexy misis,' hinikayat tumakbo sa 2028
Unang naghain ng reklamo si House Deputy Minority Leader Pusong Pinoy Party-List Rep. Jett Nisay, na sinundan naman ng Makabayan Bloc makalipas ang ilang araw.
Kaugnay na Balita: Solon, naghain ng impeachment complaint vs PBBM sa Kamara!
