Supporters ni Bong Revilla, nagprotesta: 'Kaisa mo kami sa laban na 'to!'-Balita

Supporters ni Bong Revilla, nagprotesta: 'Kaisa mo kami sa laban na 'to!'

Nagpakita ng suporta at pagmamahal ang mga tagasuporta ni dating Sen. Ramon "Bong" Revilla, Jr. na nagtipon at naghintay sa labas ng Sandiganbayan nitong Martes, Enero 20, habang humaharap siya sa korte kaugnay ng kasong isinampa laban sa kaniya.

Makikita sa mga larawan ang mga tagasuporta na may hawak na mga plakard na may mga mensaheng tulad ng “Mahal ka namin Senator Bong Revilla” at “Kaisa mo kami sa laban na ito,” bilang pagpapahayag ng kanilang paninindigan at pakikiisa sa dating mambabatas.

Karamihan sa kanila ay nakasuot ng puting damit at maayos na pumila sa labas ng gusali habang inaabangan ang mga susunod na pangyayari.

Ang pagharap ni Revilla sa korte ay kasunod ng paglalabas ng Sandiganbayan ng warrant of arrest at hold departure order laban sa kaniya.

Noong Lunes, Enero 19, 2026, kusang sumuko ang dating senador matapos siyang masampahan ng kasong non-bailable na malversation na may kaugnayan sa umano’y maanomalyang flood control project.

Bago tuluyang sumuko sa Sandiganbayan noong Lunes ng gabi, naglabas ng pahayag si Revilla sa pamamagitan ng isang video na ipinost sa kaniyang Facebook account.

"Nakatanggap po kami ng impormasyon na lumabas na ang aking warrant of arrest," panimula ng dating senador.

"Nakakalungkot po parang wala yatang due process. Pero gayunpaman, haharapin ko ito nang walang takot at alam kong hindi ako pababayaan ng Diyos dahil wala po akong kasalanan dito,” dagdag pa niya.

Kaugnay na Balita: Revilla, sumuko na: 'Nakakalungkot po parang wala yatang due process'

Matatandaang noong Setyembre 2025 ay mariing itinanggi ni Revilla ang mga alegasyong iniuugnay sa kaniya kaugnay ng umano’y mga iregularidad sa maanomalyang flood control project.

Ayon naman sa pahayag ng dating Department of Public Works and Highways (DPWH) District Engineer na si Henry Alcantara, sinabi umano ni dating DPWH Undersecretary Roberto Bernardo na ang General Appropriations Act (GAA) insertions noong 2024 na nagkakahalaga ng ₱300 milyon ay inilaan para kay Revilla, na noon ay tumatakbo sa 2025 senatorial elections.

Agad naman itong itinanggi ni Revilla.

"I deny. Wala po akong kinalaman diyan," aniya.

Kaugnay na Balita: 'Wala akong kinalaman diyan!' basag ni Revilla sa pasabog ni Alcantara

Matatandaang hindi pinalad na mare-elect si Revilla sa nagdaang midterm elections noong Mayo.

Taxi driver na tinangkang molestiyahin pasahero niya sa Davao City, tinutugis na!

Pinaiigting ng mga awtoridad ang paghahanap sa isang taxi driver na inireklamo ng pambabastos ng pasahero niyang babaeng estudyante sa Davao City matapos umanong magbitaw ng mga hindi angkop at malaswang pahayag habang nasa biyahe.Ayon sa mga ulat, sinabi na mismong ang estudyante ang nag-record ng video ng mga sinasabing pananalita ng driver, na kalauna’y kumalat sa social media.Batay sa...

Zaldy Co, kailangan munang umuwi ng bansa kung nais tumestigo vs PBBM—Rep. Luistro

Kinakailangan daw munang umuwi sa Pilipinas ni dating Ako Bicol Partylist Rep. Zaldy Co kung nagnanais siyang magbigay ng testimonya kaugnay sa impeachment complaint laban kay Pangulong Ferdinand “Bongbong” Marcos, Jr.Ayon sa mga ulat nitong Sabado, Enero 24, 2026, mula sa pinangunahan at isinagawang news forum ni Batangas 2nd District Representative at House Committee on Justice Chairperson...

Supporters ni ex-VP Leni, PBBM pinagsasanib-pwersa ni Trillanes sa 2028

Bukas si dating Senador Antonio “Sonny” Trillanes IV sa posibilidad na makipag-alyansa sa mga kandidato ng kasalukuyang administrasyon sa darating na 2028 elections.Sa isang episode ng “Sa Totoo Lang” ng One PH noong Biyernes, Enero 23, nabanggit ni Trillanes ang isang aral na natutuhan umano nila sa pampanguluhang halalan noong 2022.Ani Trillanes, “Pagka huli ka na nagdesisyon, huli ka...