May bagong romance-drama series na aabangan mula kina award-winning actress Nadine Lustre at Asia’s Multimedia Star Alden Richards.
Sa isang Facebook post ng Viu Philippines nitong Miyerkules, Enero 14, inanunsiyo ng Viu Philippines ang nalalapit na paglulunsad ng "Love, Siargao."
“Alden Richards and Nadine Lustre are teaming up for their biggest upcoming series yet. The Siargao Magic gets real this 2026. Love, Siargao, coming soon only on Viu!” mababasa sa post ng Viu Philippines kalakip ang litrato nina Alden at Nadine nang magkasama.
Umani tuloy ng samu’t saring reaksiyon mula sa mga netizen ang nasabing post. Narito ang ilan sa kanilang mga komento:
Higop King Supremacy! Leading ladies na 'hinigop' ni Joshua Garcia sa teleserye
"Tapos si Kath and James meron diba? Nag switch. Hehe. Cute."
"Gusto ko psychological thriller plot hindi romance pero what they serve, sige na nga. Dream team-up ko ‘to, my two fav artists in one series pa hindi lang 1 movie!!!! "
"We didn’t see this coming "
"Grabe nanggugulat ka Nadine!!!"
"OMGGGGGGGGHHHHHADDDD!!"
"Nde ko ito ini expect pero grabe subrang exited na ako"
"OMG SERIES!!! SEATEDDDD"
"Mukhang maganda"
"This is so unexpected!!!"
Matatandaang inanunsiyo noong Setyembre 2025 ang bago ring proyekto na niluluto nina Outstanding Asian Star Kathryn Bernardo at Kapamilya singer-actor James Reid.
Nakapares ni Alden si Kathryn sa dalawang pelikula na “Hello, Love, Goodbye” at ang sequel nitong “Hello, Love, Again.”
Samantala, halos pitong taon namang ka-loveteam nina James at Nadine ang isa’t isa bago tuluyang nagkahiwalay noong 2020.
